ភ្នំពេញ ៖ មានករណីភ្ញាក់ផ្អើល មួយពីសំណាក់ ប្រជាពលរដ្ឋ ដែលរស់នៅភូមិ ស្វាយប៉ាក សង្កាត់ស្វាយប៉ាក ខណ្ឌឫស្សីកែវ ក្រោយ មានបុរសម្នាក់ ដែលអ្នកភូមិ អះអាងថាជា ជនវិកលចរិក (សរសៃប្រសាទ) បានយក កាំបិតអារ-ក ខ្លួនបណ្ដាលឱ្យរង របួសយ៉ាងធ្ងន់ធ្ងរ ត្រូវបានសមត្ថកិច្ច និងសាច់ញាតិជួយដឹក បញ្ជូនភ្លាមៗ ទៅកាន់ មន្ទីរពេទ្យរុស្សី ។

អធិការនគរបាល ខណ្ឌឫស្សីកែវ លោក ទៀង ចាន់សា បានបញ្ជាក់ថា អំពើអត្ដឃាត របស់ជនសរសៃប្រសាទ ដែលបង្កឱ្យមាន ការភ្ញាក់ផ្អើល ខាងលើនេះ បានកើតឡើង កាលពីវេលាម៉ោង ៩ព្រឹក ថ្ងៃទី២៨ ខែវិច្ឆិកា ឆ្នាំ២០១៤ ស្ថិតនៅ ភូមិស្វាយប៉ាក សង្កាត់ស្វាយប៉ាក ។

លោកទៀង ចាន់សា បានបញ្ជាក់ថា ជន រងគ្រោះឈ្មោះ ជា កំទោល អាយុ៣៨ឆ្នាំរង របួសយ៉ាងធ្ងន់ធ្ងរ ត្រូវបានសមត្ថកិច្ចរបស់ លោកជួយដឹក សង្គ្រោះនៅ មន្ទីរពេទ្យរុស្សី ប៉ុន្ដែរហូតមក ដល់ពេលនេះ មិនទាន់ដឹងពី អាការៈនៅឡើយទេ ។

ផ្តល់សិទ្ធដោយ ដើមអម្ពិល