រាជធានីភ្នំពេញ ៖ កម្មការិនីរោងចក្រកាត់ដេរ យីហោ វណ្ណហៅ ម្នាក់បានវិលមុខដួលសន្លប់ នៅពេលបំពេញការងារ បង្កឱ្យមាន ការភ្ញាក់ផ្អើល ហើយត្រូវបានគេបញ្ជូន ទៅសង្រ្គោះភ្លាមៗ នៅមន្ទីរពេទ្យ ប្រចាំរោងចក្រ ប៉ុន្តែដោយសារអាការៈ ជម្ងឺមានសភាពធ្ងន់ធ្ងរ ក៏ត្រូវបានគេបញ្ជូន បន្តតាមរថយន្តសាមុយ របស់រោងចក្រ ទៅកាន់មន្ទីរពេទ្យ ព្រះកុសមៈ តែជាអកុសលនារីរងគ្រោះ បានដាច់ខ្យល់ស្លាប់ ពាក់កណ្តាលផ្លូវ មុនទៅដល់មន្ទីរពេទ្យ ។

ហេតុការណ៍នេះ កើតឡើងកាល ពីវេលាវេលាម៉ោង៥ និង ៣០នាទីល្ងាច ថ្ងៃទី២០ វិចិ្ឆកា ២០១៤ នៅក្នុងរោងចក្រ កាត់ដេរសំលៀកបំពាក់ វណ្ណហៅ ស្ថិតក្នុងភូមិទួលពង្រ សង្កាត់ចោមចៅ ខណ្ឌពោធិ៍សែនជ័យ។ នារីរងគ្រោះមានឈ្មោះ ឃុន វុត្ថា អាយុ២៧ឆ្នាំ មុខរបរកម្មការិនី រោងចក្រ មានស្រុកកំណើត នៅក្នុងខេត្តតាកែវ បច្ចុប្បន្នស្នាក់ផ្ទះជួល ស្ថិតក្នុងភូមិ-សង្កាត់ កើតហេតុ ។

ប្រភពព័ត៌មានពីកន្លែងកើតហេតុ បានឱ្យដឹងថា នៅមុនពេលកើតហេតុ កម្មការិនីរងគ្រោះ បានអង្គុយធ្វើការ ក្នុងរោងចក្រកាត់ដេរ សំលៀកបំពាក់ វណ្ណហៅ ខណៈកំពុងតែ អង្គុយធ្វើការនោះ ស្រាប់តែវិលមុខ ដួលសន្លប់នៅ នឹងកន្លែងធ្វើការ បង្កការភ្ញាក់ផ្អើល ដល់កម្មការិនីដ៍ទៃទៀត ។ ភ្លាមៗកម្មការិនីរងគ្រោះ ត្រូវបានគេបញ្ជូន ទៅសង្រ្គោះនៅ មន្ទីរពេទ្យប្រចាំរោងចក្រ ក៏ប៉ុន្តែដោយសារ អាការៈធ្ងន់ធ្ងរពេក ក៏ត្រូវបានបញ្ជូនបន្ត តាមរថយន្តសាមុយ របស់រោងចក្រ ដឹកទៅកាន់មន្ទីរពេទ្យ ព្រះកុសមៈ ដើម្បីសង្រ្គោះបន្ត តែជាអកុសល កមកម្មការិនីរោងគ្រោះ បានដាច់ខ្យល់ស្លាប់ នៅតាមផ្លូវមុនពេល ទៅដល់មន្ទីរពេទ្យ។

មជ្ឍដ្ឋានមួយចំនួន បានដាក់កាសង្ស័យ ថានារីរងគ្រោះ វិលមុខដួលសន្លប់ ដោយសារពុលក្លិន នៅក្នុងរោងចក្រ ។ ក៏ប៉ុន្តែសមត្ថកិច្ច បានសន្និដ្ឋាន ជំហានដំបូងថា នារីរងគ្រោះស្លាប់ ដោយសារខ្យល់គរ ។

បច្ចុប្បន្នសពកម្មការិនីរោងគ្រោះ ត្រូវបានក្រុមគ្រួសារ មកទទួលយកទៅធ្វើបុណ្យ តាមប្រពៃណី នៅស្រុកកំណើត ដោយក្តីសោកសង្រេង ៕

ផ្តល់សិទ្ធដោយ កោះសន្តិភាព