បវរកញ្ញាហុងឌូរ៉ាស ដែលបាត់ខ្លួន ជាមួយបងស្រី មុនថ្ងៃប្រលង បវរកញ្ញា ពិភពលោក វគ្គផ្តាច់ព្រ័ត្ត មួយថ្ងៃ ត្រូវសង្សារ បាញ់សម្លាប់ យកទៅកប់ យ៉ាងព្រៃផ្សៃបំផុត

បវរកញ្ញាហុងឌូរ៉ាស ដែលបាត់ខ្លួន ជាមួយបងស្រី មុនថ្ងៃប្រលង បវរកញ្ញា ពិភពលោក វគ្គផ្តាច់ព្រ័ត្ត មួយថ្ងៃ ត្រូវសង្សារ បាញ់សម្លាប់ យកទៅកប់ យ៉ាងព្រៃផ្សៃបំផុត

ហុងឌូរ៉ាស៖ យោងតាមប្រភពព័ត៌មាន បានឲ្យដឹងថា បវរកញ្ញាពិភពលោក តំណាងប្រទេសហុងឌូរ៉ាស (Honduras) នាង Maria Jose Alvarado វ័យ១៩ឆ្នាំ ជាមួយនឹង បងស្រី នាង Sofia Trinidad វ័យ២៣ឆ្នាំ ដែលបានបាត់ខ្លួន កាលពីថ្ងៃព្រហស្បត្តិ៍ ទី១៣ វិច្ឆិកា ឆ្នាំ២០១៤ ខណៈត្រៀមខ្លួន ចូលរួមប្រលង ប្រកួតប្រជែង តំណែងបវរកញ្ញា ពិភពលោក នៅវគ្គផ្តាច់ព្រ័ត្ត ថ្ងៃទី១៤ ធ្នូ ឆ្នាំ២០១៤ នៅទីក្រុងឡុង ប្រទេសអង់គ្លេស ត្រូវបានគេ ប្រទះឃើញ សាកសព ទាំង២នាក់ បងប្អូន បន្ទាប់ពីត្រូវ សង្សារបាញ់សម្លាប់ រួចយកទៅកប់ ក្នុងដី យ៉ាងព្រៃផ្សៃ បំផុត។

គួររំលឹកផងដែរថា បវរកញ្ញាពិភពលោក តំណាងប្រទេស ហុងឌូរ៉ាស នាង Maria Jose Alvarado ជាមួយនឹងបងស្រី នាង Sofia Trinidad បានបាត់ខ្លួន មុនថ្ងៃប្រកួតមួយថ្ងៃ បន្ទាប់ពីចាកចេញ ពីពិធី ជប់លៀង ថ្ងៃខួបកំណើត មិត្តប្រុស របស់នាង Trinidad ក្នុងទីក្រុង Santa Barbara ប្រទេស ហុងឌូរ៉ាស ហើយត្រូវបានគេ ប្រទះឃើញ ចូលទៅក្នុងរថយន្ត ដែលគ្មានស្លាកលេខ មួយគ្រឿង។

ប្រភពដដែល បានបន្តទៀតថា ក្នុងករណីបាត់ខ្លួន បវរកញ្ញាហុងឌូរ៉ាស និងបងស្រីនាងនេះ មានមនុស្ស២នាក់ ត្រូវបានឃាត់ខ្លួន យកទៅសួរចម្លើយ សង្ស័យពាក់ព័ន្ធ នឹងករណី ខាងលើនេះ ក្នុងនោះរួមមានទាំង មិត្តប្រុសរបស់នាង Trinidad ដែលមានឈ្មោះ Plutarco Antonio Ruiz និងបុរសម្នាក់ទៀត មានឈ្មោះ Aris Maldonado។

អ្នកនាំពាក្យរបស់ប៉ូលីស លោក Jose Coello បានប្រាប់ឲ្យដឹងថា ប៉ូលីសជឿជាក់ថា លោក Ruiz និង Maldonado គឺជាមនុស្ស ចុងក្រោយ ដែលបានជួប នារីរងគ្រោះ មុនពេល ពួកនាងបាត់ខ្លួន។

យ៉ាងណាមិញ ក្រោយពីធ្វើការសួរចម្លើយ ប៉ូលីសក៏ទទួលបាន ការឆ្លើយសារភាព ពីជនសង្ស័យ ដោយ ជនសង្ស័យម្នាក់ ក្នុងចំណោម ២នាក់នោះ គឺជនសង្ស័យ ឈ្មោះ Ruiz បានសារភាពថា ខ្លួនបានបាញ់ សម្លាប់ នារីរងគ្រោះ និងយកសាកសព ពួកនាង ទៅកប់ក្បែរទន្លេ ដោយមាន ជនសង្ស័យ ម្នាក់ទៀត ឈ្មោះ Maldonado ជាអ្នកជួយកប់។

សាកសពនារីរងគ្រោះ ទាំង២នាក់នោះ ត្រូវបានគេរកឃើញ នៅក្នុងស្រុក Cablotales ក្បែរទន្លេ Aguagua ក្នុងប្រទេស ហុងឌូរ៉ាស។

គួរបញ្ជាក់ផងដែរថា ប្រទេសហុងឌូរ៉ាស ជាប់ឈ្មោះ ជាប្រទេស ដែលមានស្ថិតិ នៃការសម្លាប់មនុស្ស ដ៏អាក្រក់បំផុត នៅលើពិភពលោក និងមានបទឧក្រិដ្ឋ ដូចជាការចាប់ជំរិត ដែលកើតមានឡើង ជារឿយៗ៕