ប៉េរ៉ូ៖ កាលពីថ្មីៗនេះ ប្រជាជន នៅទីក្រុង Lima បាននាំគ្នា ផ្អើលពិសា ទឹកក្រឡុកកង្កែប ដែលពួកគេ ជឿជាក់ថា វាជាគ្រឿងផ្សំមួយ អាចជួយ ព្យាបាលរោគ មួយចំនួនបាន។

ចំពោះទឹកក្រឡុកកង្កែប បានដាក់លក់ យ៉ាងគគ្រឹកគគ្រេង ហើយក៏មាន មនុស្សជាច្រើន រង់ចាំទិញ ផងដែរ។ ជាមួយគ្នានោះដែរ ការពិសាទឹក ក្រឡុក បែបនេះ ប្រជាជនមួយចំនួន បាននិយាយ ថាវាអាច ជួយព្យាបាល ជម្ងឺហឺត រលាកទងសួត និង ជួយដោះស្រាយបញ្ហា ខាងផ្លូវភេទ ចុះ ខ្សោយ ថែមទៀតផង។

បន្ថែមពីនេះ ទៅទៀត សត្វកង្កែប ទាំងអស់នោះ ត្រូវបាន យកពីបឹង Titicaca ដែលដំបូង អ្នកលក់ ត្រូវបោក វា នឹងតុ ទាល់តែវាងាប់ បន្ទាប់មក ពន្លាត់ស្បែក ខាងក្រៅចេញ ហើយដាក់វា ចូលក្នុង ម៉ាស៊ីន ក្រឡុក រួចបន្ថែម ជាមួយការ៉ុត មើម Maca និង ទឹកឃ្មុំ ចុងក្រោយ ក្រឡុកឲ្យសព្វ រួចអាច យកពិសា បាន។ មិនតែប៉ុណ្ណោះ ក៏មានអ្នកលក់ ជាច្រើននាក់ បានស្បថថា ទឹកកង្កែបនេះ វាពិតជា ល្អចំពោះ អ្នកដែល កង្វះឈាម ជួយដល់ឆ្អឹង ខួរក្បាល កាត់បន្ថយអារម្មណ៍ ធុញធប់ និងអស់កម្លាំង ផងដែរ។

ប៉ុន្តែទោះជាយ៉ាងណា យោងតាម គ្រូពេទ្យក្នុងស្រុក បានឲ្យដឹងថា គ្មានភស្តុតាង វិទ្យាសាស្រ្តមួយណា ដែលបង្ហាញថា ទឹកក្រឡុកកង្កែប មានអត្ថ ប្រយោជន៍ ដ៍ច្រើនលើសលប់ បែបនេះនោះទេ។ យ៉ាងណា មិញ វាក៏នៅតែជា អាហារបំប៉ន ដ៏ពេញនិយម សម្រាប់ប្រជាជន ដាច់ស្រយាល នៅ ក្នុងតំបន់នោះ ដដែល៕ ចុះចំនែកប្រិយមិត្ត គិតយ៉ាងណាដែរ ចំពោះរឿងនេះ?

ប្រភព Tomonews

ដោយ៖ កា

ខ្មែរឡូត