រាជធានីភ្នំពេញ ៖ បុរសអ្នករើស អេតចាយម្នាក់ ស្រវឹងស្រា ដើរស្រែកឡូឡា ត្រូវជនមិន ស្គាល់មុខ កាប់មួយ កាំបិតបុ័ងតោ រងរបួសធ្ងន់ ។ ហេតុការណ៍ នេះ បានកើតឡើង កាលពីវេលាម៉ោង១០ និង១០នាទីយប់ ថ្ងៃទី១៨ វិច្ឆិកា មុខផ្ទះលេខ ២៧៣A តាមផ្លូវលេខ៣៥៧ ភូមិដើម ស្លែង សង្កាត់ច្បារអំពៅទី២ ខណ្ឌច្បារអំពៅ ។

ប្រភពព័ត៌មាន បានឲ្យដឹងថា ជនរងគ្រោះ មានឈ្មោះ អ៊ិត ភេទប្រុស អាយុ២៧ឆ្នាំ មុខរបររើស អេតចាយ ស្នាក់នៅក្បែរ កន្លែងកើតហេតុ មាន ប្រពន្ធ ទើប នឹងសម្រាលកូន នៅក្នុងមន្ទីរពេទ្យ មិនទាន់ចេញ នៅឡើយ ហើយមុនពេល កើតហេតុ បុរសខាងលើបាន ផឹកស្រាស្រវឹងដើរ ស្រែក ឡូឡា កាន់កាំបិត បុ័ងតោ ដើរចុះឡើង មួយសន្ទុះ ក្រោយ មកស្រាប់តែ ឃើញដេកសន្លប់ តាមផ្លូវ តែគេមិន ដឹងច្បាស់ថា មានជនណាម្នាក់ កាប់ គាត់ ដោយសារខឹង គាត់ស្រែកឡូឡា ឬក៏គាត់ច្រឡំ ដៃកាប់ខ្លួនឯងទេ ដោយសារ តែស្នាមកាប់នោះ គឺជាស្នាមកាប់ នឹងខ្នងកាំបិត មិនមែនកាប់ នឹងមុខកាំបិតទេ ។

ក្រោយពេលកើត ហេតុបុរសខាងលើ ត្រូវបានរថយន្ត សង្គ្រោះមន្ទីរពេទ្យ បង្អែកមានជ័យ ដឹកយកទៅព្យាបាល នៅមន្ទីរពេទ្យកាល់ម៉ែត ៕

ជនរងគ្រោះនៅកន្លែងកើតហេតុ និង សមត្ថកិច្ចកំពុងពិនិត្យកន្លែងកើតហេតុ

ផ្តល់សិទ្ធដោយ កោះសន្តិភាព