ថៃ ៖ នេះពិតជារឿងមួយ ដ៏គួរឲ្យភ្ញាក់ផ្អើល ដែលអ្នករើសសំរាមម្នាក់ បដិសេច មិនទទួលប្រាក់ឧបត្ថម្ភ ពីតារាសម្តែង ស្រី Panadda Wongphudee ហៅ "Boom" កាលពីថ្ងៃអាទិត្យ កន្លងទៅនេះ។

បុរសរូបនេះ មានឈ្មោះ Surat ជាអ្នករើសសំរាម ត្រូវបាន តារាសម្តែងថៃនាង  Boom បរិច្ចាគ ទឹកប្រាក់ចំនួន  ១,៥០០ ដុល្លារ និង ថែមទាំង ជួយមើលថែទាំង កូនស្រី ដែលបានសំរាក ក្នុងមន្ទីរពេទ្យកុមារ ដើម្បី ព្យាបាល ជំងឺដុះសាច់ដុំ នៅលើផ្ទៃមុខ ទៀតផង។

អ្វីដែលគួរឲ្យហួសចិត្តនោះ គឺ លោក Surat បានអរគុណ នូវទឹកចិត្ត សប្បុរសធម៌ របស់នាង ជាខ្លាំង ហើយ លោកបានប្រគល់លុយនោះ ទៅនាងវិញ និង និយាយថា នាងគួរតែយកប្រាក់ទាំងនេះ ទៅ បរិច្ចាគឲ្យ ប្រជាជនក្រីក្រ ទៅល្អជាង។

លោក Surat បាននិយាយថា  «ខ្ញុំពេញចិត្ត នូវអ្វីដែលខ្ញុំមាន ដូចជា សេរីភាព , ការងារ , គ្រួសារ ដែលមានសុភមង្គល និង គ្មានបំណុល។ ខ្ញុំ មិនមែន ឆ្មើងឆ្មៃនោះទេ ហើយ ខ្ញុំអរគុណខ្លាំងណាស់ នូវសណ្តានចិត្តដ៏ល្អ របស់អ្នក ប៉ុន្តែ ខ្ញុំសុំបដិសេដ មិនទទួលយកលុយនេះទេ»។

លោកបានបន្ថែមថា លោកបានទទួល ប្រាក់ឧបត្ថម្ភ ពីសប្បុរសជនម្នាក់ ម្តងរួចមកហើយ ដែលពេលនោះ លោកបានយក លុយទាំងនោះ ទៅសងបំណុលគេ រួចអស់ ហើយ ដែលគុណដ៏ធំធេងមួយនេះ លោកមិនអាចភ្លេច ក្នុងជីវិត លោកឡើយ។

គួរបញ្ជាក់ផងដែរ លោក Surat ត្រូវបានដោះលែង ឲ្យចេញពីពន្ធធនាគារ កាលពីថ្ងៃសុក្រ កន្លងទៅនេះ ពីព្រោះតែ សប្បុរសជន មិនស្គាល់ឈ្មោះម្នាក់ បានបង់ប្រាក់ពិន័យ ជំនួសលោក ដូច្នេះ លោក មិនចាំបាច់ ចំនាយពេល ៦៦៧ ថ្ងៃទៀត នៅក្នុងពន្ធធនាគារ ពីបទ លក់ ឌីសរឿងនិង ចម្រៀងចម្លង ដែលគាត់បានប្រមូលពី អេតចាយ៕

ប្រភព ៖ Lollipop

ដោយ ៖ ណា

ខ្មែរឡូត