បរទេស៖ មានបុរសម្នាក់ បានធ្វើឲ្យ កូនប្រុសតូច រំភើបយ៉ាងខ្លាំង ក្នុងថ្ងៃខួបកំណើត របស់គេ ទោះបីជាដឹងថា កូនប្រុសរបស់គាត់ មិនអាចរស់នៅ ជាមួយគ្នា បានយូរក៏ដោយ។

លោក Mike Wilson បានកម្មង់ទិញ ឈុតសំលៀកបំពាក់ ជាមនុស្សពីងពាង ដើម្បីធ្វើឲ្យ កូនប្រុសរបស់គាត់ មានភាពសប្បាយរីករាយ ក្នុងថ្ងៃ ខួបកំណើត ក្នុងអាយុ៥ឆ្នាំ។ ប៉ុន្តែជាអកុសល ក្មេងប្រុសនោះ គឺមានជម្ងឺ ដុះដុំសាច់ ក្នុងខួរក្បាល ដែលរូបគេ មានពេលរស់នៅ ជាមធ្យម ត្រឹម១ ឆ្នាំទៀត តែប៉ុណ្ណោះ។

ជាមួយគ្នានោះដែរ បើតាមការរៀបរាប់ របស់លោក Mike ដែលសរសេរខាងក្រោម វីដេអូក្នុងយូធូបថា "ខ្ញុំបានតែងខ្លួន ជាមនុស្សពីងពាង ដូច្នេះខ្ញុំ អាចធ្វើឲ្យ កូនសំណព្វ របស់ខ្ញុំសប្បាយចិត្តបាន ទោះបីជារូបគេ មានជម្ងឺនៅ ក្នុងខ្លួនក៏ដោយ ខ្ញុំនៅតែរក្សារូបគេជានិច្ច ហើយខ្ញុំពិតជា មានមោទន ភាពណាស់ ដែលអាចធ្វើរឿងទាំងនេះ សម្រាប់រូបគេ"។

ចង់ដឹងថា នៅពេលឪពុករបស់ក្មេងប្រុសនោះ ធ្វើជាមនុស្សពីងពាងបែបនេះ តើរូបគេ មានប្រតិកម្ម យ៉ាងណាដែរ តោះទស្សនាវីដេអូ ទាំងអស់គ្នា៖

ប្រភព Stomp

ដោយ៖ កា

ខ្មែរឡូត