ភ្នំពេញ៖ តាមការប្រកាសឲ្យដឹង របស់ពិធីករនៃកម្មវិធី The Voice Cambodia អ្នកឈ្នះពានរង្វាន់ The Voice Cambodia នឹងទទួល បាន ពានរង្វាន់១ ថវិកា ១០០លានរៀល (ប្រហែល ២,៥ម៉ឺនដុល្លារ) និងក្លាយជាអ្នកចំរៀង ជាប់កុងត្រាជាមួយ ផលិតកម្មរស្មីហង្សមាស។ ក្រៅ ពីរង្វាន់នេះ បេក្ខជនទាំង ៤នាក់ ក៏ទទួលរង្វាន់ពី ស្រាបៀរកម្ពុជា នូវម៉ូតូហុងដា Dream 125 ម្នាក់១គ្រឿង ទូរទឹកកក១គ្រឿង និងស្រាបៀរ ២០កេសផងដែរ។

នៅយប់ថ្ងៃអាទិត្យទី១៦ ខែវិច្ឆិកា នោះ បេក្ខភាពទំាង៤រូប ដែលដណ្ដើមពាន រង្វាន់ The Voice Cambodia មានដូចជា បេក្ខជន ប៊ុត សីហា ជាកូនក្រុម របស់លោក ឆន សុវណ្ណារាជ , បេក្ខជន ឃុន វុត្ថា ជាកូនក្រុម របស់ កញ្ញា ឱក សុគន្ធកញ្ញា , បេក្ខជន សយ រតនៈ ជាកូនក្រុមរបស់កញ្ញា ពេជ្រ សោភា និងបេក្ខ នារី ចំរើន សុភ័ក្ត្រ ដែលជាកូនក្រុមរបស់ លោក ណុប បាយ៉ារិទ្ធ ។ ហើយអ្នក ដែលឈ្នះ ពាន រង្វាន់ The Voice Cambodia គឺបានទៅលើ បេក្ខជន ប៊ុតសីហា ផងដែរ៕

ផ្តល់សិទ្ធដោយ ដើមអម្ពិល