ក្រចេះ ៖ បុរសម្នាក់បាន ស្លាប់បាត់បង់ជីវិត នៅនឹងកន្លែង ហើយម្នាក់ របួសស្រាល ក្រោយពី ជនរងគ្រោះ ទាំងពីរនាក់ បានជួបឧប្បត្តិហេតុ គ្រោះថ្នាក់ចរាចរណ៍ ដោយរថយន្ត បើកបុកម៉ូតូ របស់ពួកគេ កាលពីវេលា ម៉ោងជិតពាក់ កណ្តាល អាធ្រាត្រចូល ថ្ងៃទី១៤ ខែវិច្ឆិកា ឆ្នាំ២០១៤ ក្នុងសង្កាត់អូរឬស្សី ក្រុងក្រចេះ ។

មន្រ្តីនគរបាល ក្រុងក្រចេះ បានឲ្យដឹងថា ជនរងគ្រោះដែល ស្លាប់ឈ្មោះ សាំង វិសាល ហៅ រ៉ី អាយុ៣៤ឆ្នាំ មានទីលំនៅ សង្កាត់ក្រគរ ក្រុងក្រចេះ។

ក្រោយកើតហេតុ សពជនរងគ្រោះ ត្រូវបានសមត្ថកិច្ច យកប្រគល់ជូន ក្រុមគ្រួសារ យកទៅ ធ្វើបុណ្យ តាមប្រពៃណី និងជនរងគ្រោះ ម្នាក់ទៀត ត្រូវបានដឹកបញ្ជូន ទៅកាន់មន្ទីរពេទ្យ ។

ដោយឡែក រថយន្ត និងម៉ូតូរបស់ ជនរងគ្រោះ ត្រូវបានសមត្ថកិច្ច យកទៅរក្សា ទុកដើម្បីរង់ចំា ការដោះស្រាយបន្តទៀត៕

ផ្តល់សិទ្ធដោយ ដើមអម្ពិល