ភ្នំពេញ៖ កាលពីពេលថ្មីៗ កន្លងទៅនេះ មានហេតុការណ៏ ដ៏គួរឲ្យភ្ញាក់ផ្អើល និងមិនធ្លាប់មានទេ ពីមុនមក នៅក្នុងប្រទេសកម្ពុជាយើង ដោយសារ មានខ្យល់គួច នៅម្តុំផ្សារប៉េសេ ក្នុងសង្កាត់បឹងទំពន់ ខណ្ឌមានជ័យ រាជធានីភ្នំពេញ។

វីដេអូមួយខ្សែ ត្រូវបានចែកចាយ ពាសពេញបណ្តាញ សង្គមហ្វេសប៊ុក ក្នុងប្រទេសកម្ពុជា ដែលវីដេអូនោះ បានបង្ហាញពី ខ្យល់គួច នៅម្តុំផ្សារប៉េសេ ដែលវាមានសភាព ខ្លាំងគួរសមដែរ បានគួចបោកបក់ និងនាំយកដីខ្សាច់ ជាច្រើន មកជាមួយ បង្កឲ្យមនុស្សម្នា ជាច្រើននាក់ ដែលស្ថិតនៅ ក្បែរកន្លែងកើតហេតុ ភ័យស្លន់ស្លោរ ហើយបានរត់ រកកន្លែងមានសុវត្ថិភាព ដើម្បីការពារខ្លួន។

ទោះបីជាយ៉ាងណាក៏ដោយ ចំពោះហេតុការណ៏ ខ្យល់គួចខាងលើនេះ ត្រូវបានអ្នកនិយម ប្រើប្រាស់ បណ្តាញសង្គម ហ្វេសប៊ុក បញ្ចេញមតិរិះគន់ យ៉ាងខ្លាំង ទៅដល់ពួកឈ្មួញ រកស៊ីឈើ និងអ្នក កាប់បំផ្លាញ ព្រៃឈើ ដែលជាដើមហេតុ បង្កឲ្យមាន គ្រោះធម្មជាតិ ផ្សេងៗ នៅក្នុងប្រទេសកម្ពុជា ខណៈប្រទេសមួយនេះ មិនធ្លាប់មាន និងកំរនឹងកើតមាន គ្រោះថ្នាក់ធម្មជាតិបំផុត៕

សូមទស្សនាវីដេអូ ខ្យល់គួច នៅម្តុំផ្សារប៉េសេ៖

តើប្រិយមិត្តយល់យ៉ាងណាដែរ?

ប្រភព ៖ ហ្វេសប៊ុក

ដោយ ៖ ប៊ី

ខ្មែរឡូត