ចិន៖ រឿងដ៏គួរឲ្យ ភ្ញាក់ផ្អើលខ្លាំង បំផុតមួយ បានកើតឡើងក្នុង ប្រទេសចិន ដែលក្មេងតូច អាយុ ២ឆ្នាំម្នាក់ ត្រូវបានសត្វជ្រូក មួយក្បាល សម្លាប់និង ចាប់ស៊ី ក្រោយពេលដែល ក្មេងតូចរងគ្រោះ បានវារ ចូលលេង ក្នុងទ្រុងរបស់ ជ្រូកមួយនោះ។

យោងតាមប្រភព ព័ត៌មានបានឲ្យ ដឹងថា ក្មេងប្រុស ដែលជាជនរងគ្រោះ ម្នាក់នោះ មានឈ្មោះថា Wei Tsao រស់នៅជាមួយ នឹង ឪពុកម្តាយ របស់គេ ក្នុងខេត្តជាំងស៊ូ ប្រទេសចិន ហើយនៅពេល កើតហេតុ រូបគេ កំពុងតែលេង នៅក្នុងទីធ្លាផ្ទះ តែបន្តិច ក្រោយមក ស្រាប់តែជ្រុះ របស់លេងចូល ទៅក្នុងទ្រុងជ្រូក ស្របពេលដែល ទាំងឪពុកទាំងម្តាយ សុទ្ធតែមានការ ចូលទៅក្នុងផ្ទះ ដោយទុកកូនចោល ឲ្យលេងតែឯង។

ដោយសារតែគ្មាន អ្នកណានៅក្បែរ ក្មេងតូចម្នាក់នោះ ក៏បានវារសំដៅ ទៅទ្រុងជ្រូកដើម្បី រើសរបស់លេង មកវិញតែជាអកុសល ពេលដែលចូលដល់ ក្នុងទ្រុងនោះ មេជ្រូកដែលកំពុង តែការពារកូនៗ ទើបនឹងកើតរបស់វា ក៏ចាប់ខាំហែក ក្មេងប្រុសនោះ យ៉ាងសាហាវ ហើយក្រោយមក វាក៏បានខាំក្បាល ក្មេងនោះស៊ីទៀតផង។

Sun Tsai វ័យ២៥ឆ្នាំ ដែលត្រូវជា ឪពុករបស់ក្មេង រងគ្រោះ បាននិយាយដោយ តក់ស្លុតថា “ពេលដែលខ្ញុំ និងប្រពន្ធរបស់ខ្ញុំ ចូលទៅក្នុងផ្ទះ បានបន្តិចពួកយើង ក៏ឮសម្លេងស្រែក របស់គេ ហើយពួកយើង ក៏ស្ទុះចេញមកក្រៅ តែអ្វីៗវាយឺតពេល អស់ទៅហើយ ព្រោះថាជ្រូកកំណាច មួយក្បាលនោះ កំពុងតែខាំស៊ី ក្បាលកូនរបស់ខ្ញុំ”។

យ៉ាងណាមិញ ក្រោយពីមាន រឿងបែបនេះកើតឡើង អ្នកភូមិក៏បាន សម្រេចចាប់ជ្រូក នោះចងជាមួយ និងដើមឈើ រួចក៏វះពោះ វាចេញក្នុងបំណង សងសឹង និង ចង់បញ្ជាក់ប្រាប់ ដល់ក្រុមអាជ្ញាធរ ថាជ្រូកនោះ ពិតជា បានសម្លាប់ និង ស៊ីកូនក្មេង ពិតប្រាកដមែន។

គួរបញ្ជាក់ផងដែរថា សត្វជ្រូកញី ជាធម្មតា ស្លូតបូតនោះទេ តែក្រោយពេល ដែលវាបង្កើតកូនហើយ វាក៏ក្លាយទៅជា សត្វដែលកាច ហ៊ានកំទេច អ្វីគ្រប់យ៉ាង ដែលវាយល់ថា អាចជាគ្រោះថ្នាក់ ដល់កូនៗរបស់វា”។

តើប្រិយមិត្តយល់ យ៉ាងណាដែរ?

ប្រភព៖ ដេលីម៉េល

ដោយ៖ សុជាតិ

ខ្មែរឡូត