ចិន៖ មានរឿងមួយ ដ៏មិននឹកស្មានដល់ ដែលមានបុរស វ័យចំណាស់ម្នាក់ បានស្លាប់ បន្ទាប់ពីសត្វជ្រូក មួយក្បាល បានត្របាក់ជើង របស់គាត់ ពីក្រោយ។

ម្ចាស់កសិដ្ឋាន ចិញ្ចឹមជ្រូកម្នាក់ ដែលមិនត្រូវបាន ស្គាល់អត្តសញ្ញាណ ពិតនោះ បានស្លាប់ កាលពីថ្ងៃច័ន្ទ ទី១១ ខែវិច្ឆិកា កន្លងទៅថ្មីៗនេះ ដោយ សារតែ មានសត្វជ្រូក មួយក្បាល បានត្របាក់ខាំ ជើងរបស់គាត់។ ចំពោះកើតហេតុការណ៍ ដំបូង បុរសចំណាស់ វ័យ៦០ឆ្នាំរូបនេះ បានទៅរៀបចំ និង ជួសជុល កន្លែងដែល បាក់បែក  ក្នុងទ្រុងជ្រូក ប៉ុន្តែ ខណៈគាត់ កំពុងតែ រៀបចំនោះ មានសត្វជ្រូក មួយក្បាល បានមក ត្របាក់ ជើង របស់ គាត់ពីក្រោយ ដូច្នេះគាត់ ក៏ព្យាយាមវារ ចេញពីទ្រុង ជ្រូកនោះ ប៉ុន្តែជើងរបស់គាត់ បានហូរ ឈាម យ៉ាងខ្លាំង ជាអកុសល ធ្វើឲ្យគាត់ស្លាប់នៅ កន្លែងហេតុការណ៍ នោះតែ ម្តង។

ប្រមាណ១ម៉ោង ក្រោយមក ប្រពន្ធរបស់គាត់ ក៏បាន ប្រទះឃើញ គាត់កំពុងដេក លើដី ក៏ប្រញាប់ស្រែក ហៅ ឲ្យគេជួយ។ ប៉ុន្តែអ្វី គ្រប់យ៉ាង ហួសពេលទៅហើយ ដោយគ្រូពេទ្យ បានបញ្ជាក់ ប្រាប់ថា ដោយសារ តែ គាត់បានហូរឈាមខ្លាំងពេក នៅចំកន្លែងរបួសនោះ ទើបមិនអាចជួយ សង្រ្គោះជីវិត គាត់បាន ហើយគ្រូពេទ្យ ក៏មាន ការភ្ញាក់ផ្អើល យ៉ាងខ្លាំងផងដែរ នៅពេលឃើញ ចំណែកសាច់ មួយដុំដ៏ធំ នៅលើ ភ្លៅ របស់គាត់ បានដាច់ចេញពីស្បែក គឺដោយសារតែ ការខាំត្របាក់ របស់ជ្រូកឈ្មោល មួយ ក្បាលនោះ៕

ប្រភព Tomonews

ដោយ៖ កា

ខ្មែរឡូត