ភ្នំពេញ៖ បុរសជនជាតិចិន២នាក់ មិនដឹងមកពីណា និងធ្វើដំណើរទៅណាទេ ស្ថិតក្នុងស្ថានភាព ស្រវឹងស្រា បានមករករឿង ក្រុមអ្នក រត់ម៉ូតូឌុប នៅក្បែរផ្សារទំនើប សូរិយា ត្រូវបានក្រុម អ្នករត់ម៉ូតូឌុប ព្រួតវាយ ឡើងទក់សាច់។ ហេតុការណ៏នេះ បានកើតឡើង កាលពីល្ងាច ថ្ងៃទី០៧ ខែវិច្ឆិកា នៅក្បែរផ្សារទំនើប សូរិយា ស្ថិតនៅក្នុង សង្កាត់ផ្សារថ្មីទី២ ខណ្ឌដូនពេញ រាជធានីភ្នំពេញ។

បើតាមសាក្សី នៅកន្លែងកើតហេតុ បានឲ្យដឹងថា នៅមុនពេលកើតហេតុ គេបានឃើញ បុរស និងនារីជនជាតិចិន ចំនួន៤នាក់ បានធ្វើដំណើរ នៅក្បែរផ្សារទំនើប សូរិយា ដោយបុរស ជនជាតិចិន ទាំង២នាក់នោះ ពាក់អាវពណ៌ស ស្ថិតក្នុងស្ថានភាព ស្រវឹងស្រា។ ខណៈពេលនោះដែរ មិនដឹងថា មានរឿងអ្វីកើតឡើងទេ ប៉ុន្តែគេបានឃើញ បុរសជនជាតិចិន ២នាក់នោះ រករឿង ក្រុមអ្នករត់ម៉ូតូឌុប (អាចមកពី ឥទ្ធិពល នៃជាតិស្រា) ដែលឈប់ចត នៅចំហៀង ផ្សារទំនើប សូរិយា រួចក៏កើតមាន ការប្រតាយប្រតប់គ្នា តែម្តង។

បើតាមខ្សែវីដេអូ ដែលត្រូវបានថត និងបង្ហោះ ចូលទៅក្នុង បណ្តាញសង្គម ហ្វេសប៊ុក បានបង្ហាញ ឲ្យឃើញថា មានក្រុមអ្នករត់ម៉ូតូឌុប ក៏ដូចជាអ្នកដំណើរ ដែលនៅក្បែរនោះ ជាច្រើននាក់ បានព្រួតវាយ ទៅលើ បុរសជនជាតិចិន ទាំង២នាក់នោះ រីឯនារីជនជាតិចិន ២នាក់ទៀត បានជួយឃាត់ដែរ ប៉ុន្តែឃាត់មិនឈ្នះ ក៏ស្រែកទ្រហោរយំ តែម្តង។

គួរបញ្ជាក់ផងដែរថា នៅក្នុងហេតុការណ៏ ខាងលើនេះ ក៏មានប៉ូលីសចរាចរ ដែលនៅក្បែរ កន្លែងកើត ហេតុ បានចូលមក អន្តាគមន៏ផងដែរ ប៉ុន្តែនៅតែមិនអាច ទប់កំហឹង របស់ក្រុម អ្នករត់ម៉ូតូឌុប និងអ្នកដំណើរ ទាំងនោះបានឡើយ៕

សូមទស្សនាវីដេអូនៅពេលហេតុ៖

ប្រភព ៖ ហ្វេសប៊ុក

ដោយ ៖ ប៊ី

ខ្មែរឡូត