អង់គ្លេស៖ មានរឿង គួរឲ្យតក់ស្លុតបំផុតមួយ បានកើតឡើង ខណៈដែលមាន បុរសម្នាក់ បានចាប់ហែក សាច់ ស្រស់ៗ នៅលើផ្ទៃមុខ នារីរងគ្រោះម្នាក់ មកទំពារលេង ដែលខ្មែរឡូត បានទទួល បាន ពីប្រភពបរទេសមួយ ទើបនឹងចុះផ្សាយ ថ្មីៗនេះ។

ចំពោះរឿងហេតុនេះ បានកើតឡើង កាលពីថ្ងៃសុក្រ ទី៧ ខែតុលា ខណៈពេលដែល បុគ្គលិក សណ្ឋាគារម្នាក់ បានទាក់ទង ទៅប៉ូលីស បន្ទាប់ពីមាន បុរសម្នាក់ ឈ្មោះ Matthew  William កំពុងស្នាក់ នៅ ក្នុងសណ្ឋាគារ បានធ្វើបាប នារី វ័យ២២ម្នាក់ ដែលខ្លួនកំពុង ទាក់ទងណាត់ជួប។ ក្នុងពេលនោះ ដែរ ប៉ូលីស ក៏បានមកដល់ កន្លែងកើតហេតុ បានឃើញ ជនឈ្មោះ Matthew នោះ កំពុងតែហែកសាច់ របស់នារីរងគ្រោះ និង ខ្វេះ យកគ្រាប់ភ្នែក មកទំពារតែម្តង។

ភ្លាមៗនោះ ប៉ូលីសក៏បាន ប្រើប្រាស់ប្រដាប់ឆក់ ដើម្បីទៅឆក់លើ ជនព្រៃផ្សៃនោះ ពីព្រោះវាជា វិធីមួយ ក្នុងការជួយសង្រ្គោះជីវិត នារីម្នាក់នោះ តែជាអកុសល នាងបានបាត់បង់ជីវិត ក្នុងហេតុការណ៍នោះ បាត់ទៅហើយ។ បន្ទាប់មក ឃាតករ Matthew ត្រូវបានចាប់ខ្លួន និង បញ្ចូនទៅមន្ទីរពេទ្យជាមុនសិន ប៉ុន្តែពេលទៅ ដល់មន្ទីរពេទ្យ រូបគេ ក៏បានស្លាប់ ផងដែរ។

គួរបញ្ជាក់ផងដែរថា យោងតាម សារព័ត៌មានមួយ របស់អង់គ្លេស បានឲ្យដឹងថា បុរសម្នាក់នេះ ធ្លាប់ប្រើប្រាស់ ថ្នាំញៀន ប្រភេទកូកាអ៊ីន មុនពេល ហែកមុខមិត្តស្រី និង ខ្វេះសរីរាង្គ មកទំពារបែបនេះ។ ជាពិសេស Matthew គេធ្លាប់ជាប់ពាក់ព័ន្ធនឹង ករណីឃាតកម្ម មួយចំនួន និង ធ្លាប់ជាប់គុក អស់រយៈពេល ៥ឆ្នាំផងដែរ ដែលនៅពេលនោះ គេបានវាយធ្វើបាប មនុស្សស្រីម្នាក់ដែរ ហើយទើបតែចេញ ពីគុក បាន២សប្តាហ៍ តែប៉ុណ្ណោះ  មុនពេលប្រព្រឹត្តរឿង ដ៏ស្មោគគ្រាកមួយនេះទៀត៕

តើប្រិយមិត្ត យល់យ៉ាងណាដែរ ចំពោះរឿងនេះ?

រូបថត នារីរងគ្រោះ កាលនៅរស់

លោក Matthew  William

ប្រភព Tomonews

ដោយ៖ កា

ខ្មែរឡូត