ភ្នំពេញ៖ បេក្ខជនកម្មវិធី The Voice Cambodia លោក ប៊ុត សីហា មកពីខេត្តកំពង់ស្ពឺ ដែលជាកូនក្រុមរបស់លោក ឆន សុវណ្ណរាជ ដែលត្រូវឡើងឆាកនៅយប់នេះ មានទុក្ខជាទម្ងន់ដោយសារឪពុករបស់គេ បានទទួលមរណភាព កាលពីថ្ងៃទី០៧ ខែវិច្ឆិកាកន្លងទៅនេះ ។

នៅយប់ថ្ងៃអាទិត្យនេះកម្មវិធី The Voice Cambodiaបានឈានដល់វគ្គពាក់កណ្តាលផ្តាច់ព្រ័ត្រហើយ ដោយគ្រូបង្វឹកនីមួយៗនៅសល់កូនក្រុមចំនួន២នាក់ ប្រកួតជម្រុះដើម្បីឡើងទៅកាន់វគ្គផ្តាច់ព្រ័ត្រ ។

បើងាយមកមើល ប៊ុត សីហា ដែលជាបេក្ខជនដែលពោរពេញដោយសមត្ថភាព ជាមួយនឹងទឹកដមសំនៀងយ៉ាងពិរោះវិញ បែរជាជួបទុក្ខធំក្នុងថ្ងៃពិសេសរបស់ខ្លួន ដោយឪពុករបស់គេជាមន្ត្រីនគរបាលផងនោះ បានទទួលមរណភាព នៅឯខេត្តកំពង់ស្ពឺ កាលពីថ្ងៃទី០៧ ខែវិច្ឆិកា ឆ្នាំ២០១៤ ។

យ៉ាងណាទស្សនិកជន Looking TODAY សូមជូនពរបេក្ខជន ប៊ុន សីហា ឲ្យឆ្លងផុតវគ្គដ៏សំខាន់នេះ ក្នុងកម្មវិធីលំដាប់អន្តរជាតិ The Voice Cambodia ទៅចុះ ៕

ផ្តល់សិទ្ធដោយ ដើមអម្ពិល