ចិន៖ កាលពីពេលថ្មីៗនេះ មានវីដេអូឃ្លីបមួយ ត្រូវបានគេបង្ហោះ នៅតាមបណ្តាញសង្គម នានាក្នុង ប្រទេសចិន ដែលបង្ហាញពី ទិដ្ឋភាពនៃបុរស វ័យក្មេង ស្រាតននលគកម្នាក់ បានដើរអុកឡុក ពាសពេញផ្លូវ បង្កឲ្យមានភាព ភ្ញាក់ផ្អើល និង ភ័យខ្លាចយ៉ាងខ្លាំង ដល់មនុស្សជាច្រើន។

ផ្អែកលើសម្តី របស់ប៉ូលីស បានឲ្យដឹងថា បុរសវ័យក្មេង ដែលមិនទាន់ ត្រូវបានស្គាល់ អត្តសញ្ញាណ ម្នាក់នោះបាន ស្រាតខោអាវ អស់ពីខ្លួន និងបានដើរ បង្កចលាចល នៅតាមផ្លូវ ឆាងសា នៃខេត្តហួណាន របស់ប្រទេសចិន ដោយដើរ រំខានអ្នកដទៃ និងគំរាមរក វាយអ្នកដំណើរ ផ្សេងទៀត ព្រមទាំងចូលទៅ បំផ្លាញហាង ២កន្លែង នៅតាមផ្លូវនោះ ទៀតផង។

បើយើងមើល តាមវីដេអូ នោះនឹងដឹងថា បុរសរូបនោះ ដើរតាមផ្លូវ ដោយគ្មានការ អៀនខ្មាសអ្វីឡើយ បើទោះជាខ្លួន កំពុងតែស្រាត យ៉ាងណានោះ លើសពីនេះទៀត គេក៏បម្រុង ទៅរំខាន នារីម្នាក់ដែល កំពុងដើរតាមផ្លូវ ដោយចាប់ទាញ កាបូបរបស់នាង តែសំណាងល្អ នារីម្នាក់នោះ ក៏ដឹងខ្លួនទាន់ ហើយរត់ចេញ ពីគេទាន់ពេលវេលា។

តែយ៉ាងណាមិញ ក្រោយមកបុរស វ័យក្មេងម្នាក់នោះ ក៏ត្រូវបានប៉ូលីស ធ្វើការឃាត់ខ្លួន និងកំពុងស្វែងរក អត្តសញ្ញាណ របស់រូបគេ ព្រមទាំងធ្វើការ ស៊ើបអង្កេតថា តើគេមានបញ្ហា ផ្នែកស្មារតី ឬយ៉ាងណា៕

តើប្រិយមិត្តយល់ យ៉ាងណាដែរ?

ប្រភព៖ បរទេស

ដោយ៖ សុជាតិ

ខ្មែរឡូត