ខេត្តបន្ទាយមានជ័យ ៖ ទារកអភ័ព្វម្នាក់ កើតមកក្បាលកាន់ តែរីកធំឡើងៗ ធ្វើឲ្យស្ត្រីជាម្ដាយ ភ័យខ្លាចរត់ចោល ទុកឲ្យរស់នៅ ជាមួយជីដូនក្រីក្រ សុំអំពាវនាវរក អំណោយសង្គ្រោះ។ ករណីនេះកើតឡើង នៅភូមិក្បាលស្ពាន០១ សង្កាត់ និងក្រុងប៉ោយប៉ែត។

ស្ត្រីឈ្មោះស៊ិន សាម៉ន អាយុ៦៣ឆ្នាំ រស់នៅក្នុងភូមិកើតហេតុ និងត្រូវជាជីដូន ទារកអភ័ព្វខាងលើ ប្រាប់ថាចៅប្រុស របស់គាត់ឈ្មោះ សុខ ស៊ិនពន្លឺ អាយុ១ឆ្នាំ ជាកូនទី២ របស់កូនស្រីគាត់ ឈ្មោះសុខ ស៊ិនវណ្ណី អាយុ២៤ឆ្នាំ។

ជុំវិញករណីខាងលើនេះស្ត្រីចំណាស់ជាជីដូនបាន រៀបរាប់ថា កូនស្រីរបស់គាត់ ក្រោយពីបង្កើតបាន កូនប្រុសខាងលើ ដោយសារពីមួយថ្ងៃ ទៅមួយថ្ងៃ ទារករូបនេះមានក្បាល កាន់តែរីកធំឡើងនោះ នាងក៏បានបោះបង់ កូនចោលទុកឲ្យ គាត់ចិញ្ចឹម រួចរត់ទៅ បាត់ដំណឹងឈឹង តាំងពីកូននោះ ទើបកើតបាន ២០ថ្ងៃម្ល៉េះ។

ស្ត្រីចំណាស់ដដែលបន្តថា តាំងពីពេលនោះ មកទល់នឹងពេលនេះ មានរយៈពេល ០១ឆ្នាំទៅហើយ នាងមិនដែល ផ្ដល់ដំណឹងថា នៅឯណានោះទេ ធ្វើឲ្យគាត់ចិញ្ចឹមចៅ ដ៍កំសត់ទាំង២ ដែលចៅស្រីម្នាក់ទៀត អាយុ៤ឆ្នាំឈ្មោះសុខ ស៊ិនស៊ាកគិម ក៏រស់នៅជាមួយគាត់ដែរ។ ដោយជីវភាពក្រីក្រ ទទួលអម្រែកធ្ងន់ធ្ងរពេក ស្ត្រីចំណាស់បាន អំពាវនាវរក សប្បុរសជនក្នុង និងក្រៅប្រទេស សូមមេត្តាជួយ ដល់គ្រួសារគាត់ផង ដើម្បីបានថវិកា ទំនុកបំរុងចំណីអាហារ ពិសេសទឹកដោះគោ ដល់ទារកអភ័ព្ វម្ដាយរត់ចោល នេះបានបៅ និងជួយនាងជាបង បានចូលរៀនសូត្រនឹងគេ។ គួរបញ្ជាក់ថា ទារកអភ័ព្វរូបនេះ មិនត្រឹមតែមាន ក្បាលធំខុសប្រក្រតី នោះទេពេលនេះ ថែមទាំងកើតជម្ងឺ ស្វិតដៃជើងទៀតផង សង្ស័យបណ្ដាលមកពី កង្វះជីវជាតិអាហារ៕

ផ្តល់សិទ្ធដោយ កោះសន្តិភាព