កាណាដា៖ គ្រួសារមួយ មានការរន្ធត់ចិត្ត យ៉ាងខ្លាំង បន្ទាប់ពី ពួកគេ បានត្រឡប់មកផ្ទះវិញ បានឃើញ សត្វពស់ជាច្រើន កំពុងតែវារ នៅក្នុងផ្ទះរបស់ពួកគេ។ 

យោងតាម គេហទំព័រ បរទេសមួយ បានបញ្ជាក់ថា សត្វពស់ប្រមាណ ១០២ ក្បាល បានសម្ងំលាក់ខ្លួន ក្នុងផ្ទះ របស់គ្រួសារមួយ ពីព្រោះពួកវា បានគេចខ្លួន ពីអាកាសធាតុត្រជាក់ខ្លាំង នៅខាងក្រៅ។  ជាមួយគ្នាផងដែរ ដំបូងពួកគេ បានប្រទះឃើញ សត្វពស់ ២ក្បាល  នៅបន្ទប់ក្រោមដី ដូច្នេះពួកគេ បានគិតថា វាជារឿងធម្មតា គ្មានអ្វីចោទជាប ញ្ហានោះទេ ប៉ុន្តែអ្វីដែល គួរឲ្យភ្ញាក់ផ្អើលនោះ សត្វពស់ជាច្រើន ក្បាលទៀត បានលាក់ខ្លួន ពួនអាត្មា ក្នុងផ្ទះបាយ និង បន្ទប់គេង។

យ៉ាងណាមិញ សត្វល្មូន ទាំងអស់នោះ ក៏ត្រូវបានប្រមូលទៅវិញ ដោយមជ្ឈមណ្ឌល សត្វព្រៃក្នុងស្រុក ដើម្បីយកទៅរក្សាទុក នៅទីមានសុវត្ថិភាពផងដែរ។ ចុះចំណែក ប្រិយមិត្តវិញ ប្រសិនបើជួប រឿងហេតុុបែបនេះ តើអ្នកនឹង ស្លុតអារម្មណ៍ យ៉ាងណាដែរ?

ប្រភព Stomp

ដោយ៖ កា

ប្រភព៖khmerload