ខេត្តកំពង់ចាម ៖ ក្រមុំជនបទម្នាក់ ឈ្មោះ សិត ស្រួ អាយុ២២ឆ្នាំ នៅភូមិត្រពាំងថ្ម ឃុំត្រពាំងគ ស្រុកជើងព្រៃ បានចេញទៅច្រូតស្មៅ នៅវាលស្រែមួយកន្លែង ដែលមានចម្ងាយប្រហែល ជា៥០០ម៉ែត្រពីផ្ទះ នារសៀលថ្ងៃទី២៥ តុលា ត្រូវឃាតករចាប់រំលោភ សេពសន្ថវៈ និងអារ.កសម្លាប់ បំបិទមាត់ ។ រហូតមកដល់វេលា ម៉ោង៣រសៀល ថ្ងៃទី២៦ តុលា សមត្ថកិច្ចនៅមិនទាន់ ស្រាវជ្រាវចាប់ជនសង្ស័យ ណាមួយបាននៅឡើយទេ ។

ទោះបីជាបែបណា ការរំលោភសម្លាប់ យ៉ាងព្រៃផ្សៃបែបនេះ ច្រើនតែប្រព្រឹត្តឡើង ដោយមនុស្សស្គាល់គ្នា ។  

នារីម្នាក់ទៅច្រូតស្មៅឆ្ងាយពីផ្ទះត្រូវ ឃាតករ ចាប់រំលោភ រួចអារ.កសម្លាប់បំបិទមាត់

តាមមន្ត្រីនគរបាល ស្រុកជើងព្រៃ បានឱ្យដឹងថា ជារៀងរាល់ថ្ងៃ នារីរងគ្រោះតែងទៅរកស្មៅគោ ជាមួយម្ដាយរបស់នាង ។ នៅថ្ងៃកើតហេតុ នាងបានចេញពីផ្ទះ វេលាម៉ោង២រសៀល ដោយទៅតែម្នាក់ឯងនោះទេ រហូតដល់ល្ងាច ថ្ងៃទី២៥ តុលា ក្រុមគ្រួសារមិនឃើញនាង ត្រឡប់មកផ្ទះវិញសោះ ធ្វើឱ្យឪពុកម្ដាយ ព្រមទាំងបងប្អូនសាច់ញាតិ មានក្ដីកង្វល់ និងបាននាំគ្នាចេញទៅតាមរក ។

ប្រភពដដែលបានបន្តថា ការស្វែងរករហូតដល់ វេលាម៉ោង៦ល្ងាច ថ្ងៃទី២៥ តុលា  ទើបប្រទះឃើញសពនាង  ក្នុងស្ថានភាពត្រូវគេចាប់សម្រាត ដល់ជង្គង់ និង មានស្នាមអារ.ក ត្រង់ចំណុចវាលស្រែ ចម្ងាយពីភូមិត្រពាំងថ្ម ប្រមាណ៥០០ម៉ែត្រ ។ តាមការសន្និដ្ឋាន ឃាតករអាចត្រូវនារីរងគ្រោះស្គាល់ ទើបចាប់រំលោភ បំពេញចំណង់កាមតណ្ហា ឆ្អែតឆ្អន់ហើយ ក៏អារ.កសម្លាប់ បំបិទមាត់តែម្ដង ។

រហូតមកដល់រសៀល ថ្ងៃទី២៦ តុលា លោកវរសេនីយ៍ទោ ហេង វុទ្ធី អធិការនគរបាល ស្រុកជើងព្រៃ បានចាត់ឱ្យកម្លាំង ចុះទៅដល់ផ្ទះកើតហេតុ ព្រមទាំងបានហៅជនសង្ស័យ២នាក់ មកសួរនាំ នៅប៉ុស្ដិ៍រដ្ឋបាល ឃុំត្រពាំងគ តែជនទាំងនោះឆ្លើយថា មិនមានពាក់ព័ន្ធ នឹងហេតុការណ៍នេះទេ ។

មន្ត្រីសមត្ថកិច្ចបានបញ្ជាក់ថា ក្រោយពីមានហេតុការណ៍ខាងលើនេះ លោកឧត្តមសេនីយ៍ត្រី បែន រ័ត្ន ស្នងការនគរបាលខេត្ត បានចាត់ឱ្យកម្លាំងនគរបាលបច្ចេកទេស ចុះទៅពិនិត្យសពនារីរងគ្រោះ ដែលរងការរំលោភសម្លាប់ ដ៏ឃោរឃៅនេះ ។

ពេលនេះសមត្ថកិច្ចស្រុក កំពុងតែសហការគ្នា ធ្វើការស្រាវជ្រាវ តាមវែកមុខជនសង្ស័យ ជាឃាតករ ដែលអាចមិនយូរនោះទេ ពិតជានឹងត្រូវចាប់ខ្លួនបានមិនខាន ព្រោះតែនារីរងគ្រោះស្លាប់ ក្នុងភូមិដែលនាងរស់នៅ មិនមែនស្លាប់នៅកន្លែងឆ្ងាយ ពីស្រុកកំណើតនោះទេ ៕

នារីរងគ្រោះដែលស្លាប់

សពនារីរងគ្រោះ

ផ្តល់សិទ្ធដោយ កោះសន្តិភាព