ដួង ស្រីពេជ្រ សង្សារធ្វើខួបឲ្យយប់នេះ

ដួង ស្រីពេជ្រ សង្សារធ្វើខួបឲ្យយប់នេះ

នៅសល់តែប៉ុន្មានម៉ោងទៀតទេ សង្សារជាឧកញ៉ា វ័យក្មេង នឹងរៀបចំធ្វើខួបកំណើតឲ្យ តារាសម្ដែង កញ្ញា ដួង ស្រីពេជ្រ នៅភោជនីយដ្ឋានមួយម្ដុំអូឬស្សី ដែលមានអ្នកចូលរួមប្រមាណ ៥០ ទៅ ៦០ នាក់ប៉ុណ្ណោះ រួមមានទាំងអ្នកសិល្បៈ និង អ្នកជំនួញ។

នៅក្នុងជំនួបជាមួយ sabay ស្រីពេជ្រ ប្រាប់ថា កម្មវិធីនេះស្ថិតនៅក្រោមការជួយជ្រោមជ្រែងពីបុរសជាសង្សាររបស់នាង ដែលគេបានដឹងថា ជាឧកញ៉ាវ័យក្មេងម្នាក់នៅរាជធានីភ្នំពេញ។

ទោះបីជាយ៉ាងណាក៏ដោយ ក៏តារារូបនេះ មិនចង់មានឈ្មោះថា ខ្ចីដង្ហើមគេដកនោះទេ គឺចង់ធ្វើដោយខ្លួនឯង តែបុរសអ្នកមានរូបនោះមិនព្រមទាល់តែសោះ និង ចាត់ចែងកូនចៅឲ្យជួយរៀបចំកម្មវិធីនេះ។

Doung-Srey-Pech

ការពិតទៅ រហូតមកដល់ពេលនេះសាច់ញាតិខាងប្រុសនៅមិនទាន់បានឃើញនាងនៅឡើយទេ បើទោះជាបុរសរូបនោះបានចំណាយធនធានជាច្រើនជួយនាងយ៉ាងណាក៏ដោយ។ ក្នុងនោះរួមមានការចំណាយលុយរាប់ម៉ឺនដុល្លារសងម្ដាយនៅខេត្តបន្ទាយមានជ័យជាដើម។ ”គាត់នឹងនាំខ្ញុំទៅជួបសាច់ញាតិខាងគាត់ នៅថ្ងៃកំណើតនេះ ដោយរៀបចំឲ្យមានការជួបជុំគ្នា”។

តារាខាងលើបានអះអាងថា ខួបកំណើតរបស់នាង មិនមានវត្តមានសង្សារចូលរួមនោះទេ ដោយសារគាត់មានធុរៈបន្ទាន់ត្រូវបំពេញ។

ដួង ស្រីពេជ្រ មានប្រភពមកពីខេត្តបន្ទាយមានជ័យ និង ចាត់ទុកថា ជាតារាមានសំណាងមួយរូបដែរ ព្រោះបានជួបជាមួយបុរសជាអ្នកមានវ័យក្មេង ហើយមានចិត្តទួលាយចេះចែករំលែកទៀតផង។ ជាក់ស្ដែង ការមើលឃើញអំពីផលលំបាក នៃឪពុកម្ដាយរបស់នាងនៅពេលនេះជាដើម។ ក្នុងនោះគឺការសង់វីឡាតម្លៃរាប់ម៉ឺនដុល្លារ ដែលកំពុងដំណើរការសាងសង់រាល់ថ្ងៃយ៉ាងណាក្ដី៕

ប្រភព Sabay

មុន បន្ទាប់

មតិយោបល់