ម៉ាកសេដូនៀ៖ តាមប្រភព សារព័ត៌មាន បានឲ្យដឹងថា បុរសដ៏កំសត់ ស្នេហ៍ម្នាក់ បានកាត់ ប្រដាប់ភេទ ខ្លួនឯង បោះចូល ក្នុងធុងសំរាម បន្ទាប់ពី ខូចចិត្ត រឿង មិត្តស្រី សុំចែកផ្លូវ ដោយសារតែ គាត់មាន ប្រដាប់ភេទតូចពេក។

ក្រោយពីបាន កាត់ប្រដាប់ភេទ ខ្លួនឯងហើយ បុរសកំសត់ស្នេហ៍ឈ្មោះ Oliver Ilic  វ័យ ២២ រូបនេះ ឃើញឈាម ហូរមិនឈប់ ក៏បានទាក់ទងទៅ សេវាសង្រ្គោះបន្ទាន់ ដើម្បីទៅកាន់មន្ទីរពេទ្យ។ លោក Oliver បានប្រាប់ទៅកាន់ ក្រុមគ្រូពេទ្យថា មួលហេតុ ដែលធ្វើឲ្យលោក ដាច់ចិត្ត កាត់ប្រដាប់ភេទ ខ្លួនឯងចោលដូច្នេះ ដោយសារតែ មិត្តស្រីរបស់គាត់ លែងត្រូវការគាត់ទៀតហើយ ព្រោះតែប្រដាប់ ភេទរបស់គាត់ តូចពេក មិនត្រូវចិត្តនាង។

ភ្លាមៗនោះ ប៉ូលីសក៏បាន ចុះពិនិត្យផ្ទះ របស់លោក Oliver ដែលជាកន្លែងកើតហេតុ បានរកឃើញថា មានឡាមមួយ ដែលប្រឡាក់ ដោយឈាម និង បំនែកប្រដាប់ភេទ របស់លោក Oliver នៅក្នុងធុងសំរាម ផងដែរ។ ក្នុងនោះដែរ ទោះបីជាលោក Oliver ត្រូវបានបញ្ជូន ទៅកាន់ មន្ទីរពេទ្យក៏ដោយ ក៏ក្រុមវេជ្ជបណ្ឌិត នៅមន្ទីរពេទ្យ ក្នុងក្រុង កូកានី មិនអាចតប្រដាប់ភេទ ដែលដាច់មកវិញ បានដែរ ដែលជាហេតុធ្វើ់ឲ្យ ខាងមន្ទីរពេទ្យ សំរេចចិត្ត បញ្ចូនលោក Oliver ទៅកាន់មន្ទីរពេទ្យ មួយទៀត ក្នុងរដ្ឋធានី ស្កបជេ ដើម្បីធ្វើ់ការវះកាត់ តប្រដាប់ភេទរបស់គាត់ ឲ្យដូចដើមវិញ។ ទីបំផុត ក្រោយពីការវះកាត់ រយៈពេល ៥ ម៉ោង ការ តប្រដាប់ភេទរបស់លោក Oliver បានទទួលជោគជ័យ ប៉ុន្តែក្រុមវេជ្ជបណ្ឌិត បាននិយាយថា ទោះបីជា ការវះកាត់នេះ បានបញ្ចប់ទៅយ៉ាង ជោគជ័យកីដោយ ក៏មិនអាចសន្និដ្ឋានថា វាអាចដំនើរការ បានដូចដើម ឫយ៉ាងណានោះដែរ៕

រូបតំណាង

ប្រភព ៖ មេត្រូ