ចិន ៖ ប្រិយមិត្ត ប្រាកដជា បានជ្រាបហើយថា iPhone 6 ដែលទើបតែ ចេញថ្មីនេះ បានធ្វើឲ្យមនុស្ស មួយចំនួន សុខចិត្តធ្វើអ្វីគ្រប់បែបយ៉ាង ដើម្បីទទួលបាន ទូរស័ព្ទដ៏ទំនើបនេះ មកប្រើប្រាស់ រហូតដល់ធ្វើឲ្យបុរសម្នាក់ សំរេចចិត្ត ដាក់លក់ផ្ទះរបស់ខ្លួន ដើម្បីទិញ iPhone 6 ទៀតផង។ យ៉ាងណាមិញ កាលពីពេលថ្មីៗនេះវិញ គូស្នេហ៍ ជាច្រើនគូ នៅប្រទេសចិន បានចូលរួម ប្រកួតថើបដៃគូររបស់ខ្លួន ឲ្យបានយូរជាងគេ ក្នុងការទទួល ជ័យលាភី ឈ្នះ iPhone 6 មួយគ្រឿង។

កម្មវិធី ការប្រកួតថើប "Kissing Competition"  នេះ បានប្រព្រឹត្តិទៅ នៅខាងក្រៅផ្សារទំនើប មួយកន្លែង នៃទីក្រុង  Jinhua ខេត្ត Zhejiang ប្រទេសចិន ដែលគូស្នេហ៍ ចូលរួមប្រកួត មានចំនួន ៤០ គូ ដណ្តើម ពានរង្វាន់ iPhone 6 មួយគ្រឿង។ ក្នុងនោះដែរ កម្មវិធីប្រកួតនេះ គូស្នេហ៍ ដែលឈ្នះ ក្នុងការប្រកួតនេះ គឺទទួលបានទៅលើ គូស្នេហ៍ ដែលបានថើបគ្នា រយៈពេល ៥២ នាទី ហើយ ចុងក្រោយពួកគេ បានដួល ទៅលើកំរាលព្រំក្រហម  ធ្វើឲ្យអ្នកទស្សនាទាំងអស់ មានភាពសប្បាយរីករាយ ហ៊ោរកញ្ជ្រៀវអបអរសារទ ដល់ពួកគេជាខ្លាំង។មិនតែប៉ុណ្ណោះទេ គេក៏ឃើញមាន គូស្នេហ៍ ដែលមានភេទដូចគ្នា ចូលរួមផងដែរ ដែលកាន់តែធ្វើឲ្យ អ្នកទស្សនា មានការគាំទ្រកាន់ តែខ្លាំងបន្ថែមទៀត។

ព្រឹត្តិការណ៍នេះ ក៏បានបង្ហាញឲ្យឃើញ ពីភាពខុសគ្នា រវាង បុរស និង នារី បានធ្វើក្នុងកំឡុងពេល ថើបដៃគូ របស់ពួកគេ យ៉ាងយូរ ដែលបុរសៗ បានក្រលេកទៅមើល អ្វីដេលនៅជុំវិញខ្លួន ហើយ នារីៗវិញ បានលេងហ្គេម ដើម្បីបំបាត់ការធុញ ក្នុងពេលថើបនេះផងដែរ ពីព្រោះការប្រកួតនេះ គឺមិនកាត់សេចក្តី ពីស្តាយថើបឡើយ សំខាន់ឲ្យតែពួកគេ ខំប្រឹងធ្វើឲ្យ មាត់ជាប់គ្នា បានយូរជាងគេ គូនោះ ជាអ្នកឈ្នះហើយ៕

ចង់ដឹងកាន់តែច្បាស់សូមទស្សនារូបភាពខាងក្រោម ៖

ប្រភព ៖ សៀងហៃ