កណ្តាល៖ បុរសម្នាក់បាន រងរបួសធ្ងន់ ក្នុងករណីគ្រោះ ថ្នាក់ចរាចរណ៍ ពេលកំពុងជិះម៉ូតូ ត្រូវរថយន្ត មួយគ្រឿង បើកបុកពេញ មួយទំហឹង កាលពីវេលាម៉ោង ១០និង១៥ នាទីយប់ ថ្ងែទី១៧ ខែតុលា ឆ្នាំ២០១៤ នៅតាមផ្លូវជាតិ លេខ៤ ចន្លោះគីឡូម៉ែត្រ លេខ២១-២២ ក្នុងភូមិ ត្រពាំងក្រសាំង ឃុំបែកចាន ស្រុកអង្គស្នួល ខេត្តកណ្តាល ។

សមត្ថកិច្ចមូលដ្ឋាន បានឲ្យដឹងថា ជនរងគ្រោះមានឈ្មោះ ថន ចាន់ស៊ី ភេទប្រុស អាយុ ២៨ឆ្នាំ នៅភូមិថ្មី សង្កាត់ ដង្កោ ខណ្ឌដង្កោ រាជធានីភ្នំពេញ ជិះម៉ូតូមួយគ្រឿង ម៉ាកស្មាស់ ពណ៌ក្រហម ពាក់ស្លាកលេខ ភ្នំពេញ 1C-4572 គ្មានមួក គ្មានកញ្ចក់ បានធ្វើដំណើរពី ទិសខាងលិច ទៅខាងកើត លុះដល់ចំណុច ខាងលើបាន ជ្រុលទៅបុកជាមួយ រថយន្ត១គ្រឿង ម៉ាកកាមរីបាទ្បែន ពណ៌ទឹកប្រាក់ ពាក់ស្លាកលេខ ភ្នំពេញ 2Z-0926 ។ ចំណែកអ្នកបើកបរមិន ស្គាល់ឈ្មោះ បានរត់គេចខ្លួនបាត់ ។ ក្រោយពេលកើតហេតុ រថយន្តបានរត់ គេចតែត្រូវបាន សមត្ថកិច្ចឃាត់បាន នៅចំណុចមុខ រោងចក្រ ស៊ីភី ឃុំបែកចាន ។

បច្ចុប្បន្ន ម៉ូតូ និងរថយន្តត្រូវ សមត្ថកិច្ចយក ទៅរក្សាទុក នៅអធិការដ្ឋាន នគរបាលស្រុក អង្គស្នួល ដើម្បីចាត់ការបន្ត តាមផ្លូវច្បាប់ ៕

ផ្តល់សិទ្ធដោយ ដើមអម្ពិល