ខេត្តកំពង់ចាម ៖ ស្ត្រីខារ៉ាអូខេម្នាក់ឈ្មោះ អុល ស្រីកា អាយុ១៩ឆ្នាំ មានស្រុកកំណើតនៅ ភូមិ ហាន់ជ័យ១ ឃុំ ហាន់ជ័យ១ ស្រុកឆ្លូង ខេត្តក្រចេះ បានផឹកស្រាស្រវឹងស្រែកឡូឡាត្រូវ ម្ចាស់ផ្ទះជួល ដេញឈប់ ឲ្យនៅ ហើយទូរស័ព្ទ ហៅប្រុសស្នេហ៍ មិនមកទៀត តូចចិត្តក៏រត់មក លោតទឹកសម្លាប់ ខ្លួនពីលើស្ពានគីហ្សុ៊ណា តែមិនបានសម្រេច ដោយសារ កម្លាំងសមត្ថកិច្ចមកជួយ អន្តរាគមន៏ទាន់ ពេលវេលា។

ហេតុការណ៏នេះបង្កឱ្យមានការភ្ញាក់ផ្អើលកាលពីវេលាម៉ោង ៦ និង៣០នាទីល្ងាច ថ្ងៃទី១៦ តុលា ២០១៤ ស្ថិតនៅ ក្បាល ស្ពានត្រើយខាងលិច ក្នុងភូមិទី៣ សង្កាត់វាលវង់ ក្រុងកំពង់ចាម ។

លោកម៉ៅ ឡុក នាយប៉ុស្តិ៍រដ្ឋបាលសង្កាត់វាលវង់ប្រាប់ឲ្យដឹងដែរថា ក្រោយពីស្វាង ស្រាបន្តិច ពេលសួរ នាំរក មូលហេតុត្រូវ បាននាងប្រាប់ថា ការប៉ុនប៉ងធ្វើអត្តឃាតនេះ  ដោយសារតែនាងទូរស័ព្ទ ហៅប្រុស ស្នេហ៍ឈ្មោះ ពេជ្រ នៅខេត្តក្រចេះ មិនមកជួបនាងនៅ ក្រុងកំពង់ចាម ទើបសំរេចចិត្តគិតខ្លី ចង់ប្រល័យសង្ខារបែបនេះ ៕

ផ្តល់សិទ្ធដោយ កោះសន្តិភាព