ខេត្តកំពង់ធំ ៖ សពបុរសម្នាក់ ត្រូវបានប្រជាពលរដ្ឋ អ្នកដាក់មង ប្រទះឃើញ ស្លាប់អណ្ដែតទឹក ក្នុងស្ទឹងតាំងក្រសាំង ស្ថិតនៅចំណុច ខាងក្រោយ ភូមិចំបកជ្រុំ ឃុំប្រាសាទ ស្រុកសន្ទុក បង្កឱ្យមាន ការភ្ញាក់ផ្អើល កាលពីព្រឹក ថ្ងៃទី១៦ តុលា ២០១៤ ។

លោកអនុសេនីយ៏ឯក គៀង វែង មេបញ្ជារការរង កងរាជអាវុធហត្ថ ស្រុកសន្ទុក បានប្រាប់ឲ្យដឹងថា តាមសម្តីរបស់ ប្រជាពលរដ្ឋ និងសាច់ញាតិ ជនរងគ្រោះ បានឱ្យដឹងថា មុនពេលកើតហេតុ គេឃើញជនរងគ្រោះ ឈ្មោះ គៀ វឿន ភេទប្រុស អាយុ៤៤ឆ្នាំ រស់ភូមិ-ឃុំ កើតហេតុខាងលើ បានផឹកស្រា.ស ស្រវឹងជោកជាំ ដើរទ្រេតទ្រោត ពេញផ្លូវ លុះក្រោយមក អ្នកស្រុកក៍មិនដឹងថា ជនរងគ្រោះនេះ ទៅឯណាដែរ ស្រាប់តែគេ ប្រទះឃើញសព អណ្ដែតទឹកស្ទឹង ក៏មានការភ្ញាក់ផ្អើលតែម្តង ។

បន្ទាប់ពីស្រង់សពឡើង មកលើគោករួច សមត្ថកិច្ចបានធ្វើ កោសល្យវិច័យ ឃើញថា ជនរងគ្រោះ ពិតជាស្រវឹងស្រា លង់ទឹកស្លាប់ ពិតប្រាកដមែន ហើយក៍បានប្រគល់សព ឲ្យទៅក្រុមគ្រួសា យកទៅធ្វើបុណ្យ តាមប្រពៃណី៕

ផ្តល់សិទ្ធដោយ កោះសន្តិភាព