សុះ ម៉ាច អន់ចិត្តរឿង អ៊ុំ គន្ធា និង អូ រស្មី

សុះ ម៉ាច អន់ចិត្តរឿង អ៊ុំ គន្ធា និង អូ រស្មី

រធានសមាគមសិល្បករខ្មែរ បានសម្ដែងការខកបំណង ខណៈដែលសកម្មភាពជាការលះបង់ ដើម្បីជួយដល់អតីតតារាចម្រៀង អ៊ុំ គន្ធា និង កញ្ញា អូ រស្មី បែរជាត្រូវទទួលរងការប្រមាថជាន់ឈ្លីពីពូកគេទៅវិញ។

លោក សុះ ម៉ាច បានរៀបរាប់ប្រាប់ Sabay នៅព្រឹកនេះថា លោកមានការខកបំណងចំពោះអតីតតារាចម្រៀងអ្នកនាង អ៊ុំ គន្ធា ដែលមិនព្រមថែរក្សាសុខភាពរបស់នាង ហើយបានងាកទៅសេពសុរា ព្រឹកល្ងាចដូចពីមុន មិនគិតគួរសុខភាពទៅវិញ។ បើទោះបីជាដឹងថា ខ្លួនមានជំងឺមិនអាចព្យាបាលបាន ដែលទាមទារការថែទាំសុខភាពជាប្រចាំយ៉ាងណាក៏ដោយ នៅតែប្រព្រឹត្តមិនរាងចាល។

“នេះជាការបំផ្លាញទឹកចិត្តសប្បុរសជន ដែលគេធ្លាប់ជួយនាងនាពេលកន្លងមក ថែមទាំងយកឈ្មោះទៅប្រើប្រាស់នាំឲ្យប៉ះពាល់ដល់កិត្តិយសរបស់ខ្ញុំទៀតផង”។

គន្ធា បានសន្យាជាមួយសមាគមមួយចំនួនបីដងមកហើយ ចំពោះការទទួលយកការកែប្រែ ដោយឈប់ផឹកសុរា និង ប្រើប្រាស់គ្រឿងញៀនជាដើម។

ផ្ទុយទៅវិញ ការសន្យានេះ បានត្រឹមជាខ្យល់មាត់ ដែលឮហើយក៏រលាយបាត់ទៅវិញជាធម្មតា។ ជាក់ស្ដែងនាងបានត្រលប់ក្លាយជាអ្នកញៀនសុរា និងគ្រឿងញៀនដូចពីមុន ខណៈសុខភាពកាន់តែដុនដាបទៅហើយនោះ។

លោកបានបន្តថា ចំណែកតារាចម្រៀង កញ្ញា អូ រស្មី ឯណេះវិញ បែរជាចោទប្រកាន់ លោកថា កេងយកផលប្រយោជន៍ទៅវិញ ខណៈដែលលោកព្យាយាមនាំមេធាវីទៅជួយនាង ដែលត្រូវចេញចូលកន្លែងសមត្ថកិច្ចនាពេលកន្លងមក ដែលជាកន្លែងមិនគួរចេញចូលញឹកញាប់នោះទេ។

“តើមានអ្វីដែលខ្ញុំចំណេញទៅ បើនាំមេធាវីរបស់សមាគមទៅជួយនាង ទាំងមិនយកសេវាមួយរៀលផងហ្នឹង”។ ប្រហែលជា រស្មី យល់ថា លោក សុះ ម៉ាច មិនអាចធ្វើអ្វីបាននោះទេ ព្រោះគ្រាន់តែជាអ្នកចម្រៀងធម្មតាម្នាក់ប៉ុណ្ណោះ។ “គ្រាន់តែចង់បំពេញតួនាទីជាអាណាព្យាបាលសិល្បករក្នុងអាណត្តិរបស់ខ្ញុំប៉ុណ្ណោះ ព្រោះនេះជាកាតព្វកិច្ចចម្បងមួយ”។ ប្រធានសមាគមរូបនេះសម្ដែងការខកបំណងចំពោះការលះបង់ ដែលមិនអាចជួយពូកគេបាន។

ជាចុងក្រោយ ក្នុងនាមសមាគមសិល្បករខ្មែរ លោក សុះ ម៉ាច បានស្នើជាថ្មីស្នើឲ្យសិល្បករទាំងអស់មានការរួបរួមគ្នា និង ជួយគ្នាទៅវិញទៅមក ដើម្បីកសាងវិស័យសិល្បៈកាន់តែមានការរីកចំរើនបន្ថែមទៀត៕

ប្រភព Sabay

មុន បន្ទាប់

មតិយោបល់