រាជធានីភ្នំពេញ ៖ រថយន្តទួរីសមួយគ្រឿងបើកបុករះរនាំដែកពុះចែកទ្រូងផ្លូវបាក់អស់ចំនួន ៧ផ្ទាំង និងបាក់ស្លាក សញ្ញាបង្ហាញទិសដៅចរាចរណ៍អស់មួយដើម កៀបជាប់ពីក្រោមរថយន្តទៅ មុខលែងរួច តែម្តង។ ហេតុការណ៍នេះ កើតឡើងកាល ពីវេលាម៉ោង ៣ និង៣០ នាទីទៀបភ្លឺ ថ្ងៃទី១៦ តុលា ២០១៤ នៅចំណុចមុខ ក្រុមហ៊ុនតូយ៉ូតា មហាវិថី សហព័ន្ធរុស្ស៊ី ស្ថិតក្នុងសង្កាត់ទឹកថ្លា ខណ្ដសែនសុខ។

ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុគេ ឃើញរថយន្ត ទួរីសមួយ គ្រឿង ពណ៌ស ពាក់ស្លាកលេខ ភ្នំពេញ 2V-7359 បើកដោយបុរសម្នាក់ដោយធ្វើដំណើរ តាមមហាវិថី សហព័ន្ធរុស្ស៊ី ក្នុងទិសដៅ ពីលិចទៅកើត ខណៈមកដល់ ចំណុចកើតហេតុអ្នក បើកបរងោក មួយភាំងរថយន្ត ក៏បានជ្រុលចង្កូតបុករះ រនាំដែកពុះចែក ទ្រូងផ្លូវបាក់អស់ ចំនួន៧ផ្ទាំង និងបាក់ស្លាក សញ្ញាបង្ហាញទិសដៅ ចរាចរណ៍អស់មួយដើម កៀបជាប់ពីក្រោម រថយន្តទៅ មុខលែងរួចតែម្តង។

ក្រោយពេលកើតហេតុរថយន្តបង្កខាងលើត្រូវសមត្ថកិច្ចយកទៅកាន់ការិយាល័យចរាចរផ្លូវ គោកនៃស្នង ការដ្ឋាននគរបាល រាជធានីភ្នំពេញដើម្បីដោះ ស្រាយតាមផ្លូវច្បាប់។

ផ្តល់សិទ្ធដោយ កោះសន្តិភាព