ខេត្តក្រចេះ ៖ បុរសជាអ្នករត់ម៉ូតូឌុបម្នាក់ បានស្លាប់ភ្លាមៗ នៅនឹងកន្លែង ក្នុងឧបទ្ទវហេតុ គ្រោះថ្នាក់ចរាចរណ៍ ជិះទៅបុករថយន្ត ឡិចស៊ីស៣៣០ ពាក់ស្លាកលេខ ខេមរៈភូមិ កាលពីថ្ងៃទី១១ តុលា ២០១៤ លើផ្លូវកៅស៊ូ ក្នុងឃុំហាន់ជ័យ ស្រុកឆ្លូង ។

បុរសរងគ្រោះ ត្រូវបានគេស្គាល់ថា ឈ្មោះគឹម ស៊ីវុធ អាយុ៤៣ឆ្នាំ ជាអ្នករត់ម៉ូតូឌុប មានទីលំនៅ ឃុំខ្សាច់អណ្តែត ស្រុកឆ្លូង ចំណែកឯអ្នក បើកបររថយន្ត បានរត់គេចខ្លួនបន្ទាប់ ពីកើតហេតុ រួចបន្សល់ទុក តែរថយន្តម៉ាក ឡិចស៊ីស៣៣០ ពណ៌ប្រផេះ ពាក់ស្លាកលេខ ខេមរៈភូមិន្ទ ដែលរេចង្កូត ធ្លាក់ចូលស្រែ នៅតាមចញ្ចើមផ្លូវ របស់អ្នកស្រុក៕

ផ្តល់សិទ្ធដោយ កោះសន្តិភាព