រកឃើញស្បែកជើង ធ្វើពីសក់មនុស្ស និង សំបុត្ររំជួលចិត្ត មួយច្បាប់ ក្នុងផ្នូរម៉ាំមីបុរាណ នៅកូរ៉េខាងត្បូង

រកឃើញស្បែកជើង ធ្វើពីសក់មនុស្ស និង សំបុត្ររំជួលចិត្ត មួយច្បាប់ ក្នុងផ្នូរម៉ាំមីបុរាណ នៅកូរ៉េខាងត្បូង

កូរ៉េខាងត្បូង៖ អ្នកបុរាណវិទូ បានជីករកឃើញ ស្បែកជើងសង្រែក ធ្វើពីសក់មនុស្ស និង សំបុត្រមួយច្បាប់ នៅក្នុងផ្នូរម៉ាំមីបុរាណ ស្ថិតនៅប្រទេស កូរ៉េខាងត្បូង។

បន្ទាប់ពីការជីក ផ្នូរបុរាណម៉ាំមីបុរាណ នៅក្នុងទីក្រុង Andong ប្រទេសកូរ៉េខាងត្បូង កាលពីខែមេសា ឆ្នាំ១៩៩៨រួចមក អ្នកបុរាណវិទូ បានរកឃើញ មឈូស របស់ Eung-Tae Lee ក្នុងសតវត្សទី១៦ ដែលជាសមាជិករបស់ បុព្វបុរស Goseong Yi Clan ដែលបានស្លាប់ កាលពីឆ្នាំ ១៥៨៦។ នៅក្នុងមឈូស ក្បែរសាកសព ដែលសល់តែ គ្រោងឆ្អឹងនោះ គេក៏បានរកឃើញ សំបុត្ររំជួលចិត្ត មួយច្បាប់ ដែលសរសេរដោយ ប្រពន្ធ របស់លោក Eung-Tae Lee ដែលកំពុងតែមានផ្ទៃពោះ រួមជាមួយនឹង ស្បែកជើងសង្រែក ធ្វើពីសក់មនុស្ស និងសម្បកឈើ មួយគូផងដែរ។

នៅក្នុងសំបុត្រ មួយច្បាប់នោះ បានសរសេរថា “ជូនចំពោះឪពុករបស់ Won (កូនដែលនៅក្នុងផ្ទៃ) ថ្ងៃទី១ ខែមិថុនា ឆ្នាំ១៥៨៦"។ "អ្នកតែងតែ និយាយថា ប្រពន្ធសម្លាញ់, ពួកយើងនឹង រស់នៅជាមួយគ្នា រហូតដល់សក់ស្កូវ និងស្លាប់ក្នុងថ្ងៃតែមួយ”។ “តើហេតុអ្វីបានជាបង ទៅចោលខ្ញុំ បែបនេះ? តើខ្ញុំ និងកូនរបស់យើង នឹងរស់នៅបែបណា? ហេតុអ្វីបានជាបង ស្លាប់មុនខ្ញុំបែបនេះ? ខ្ញុំមិនអាច រស់នៅ ដោយគ្មានបងបានទេ ខ្ញុំចង់រស់នៅជាមួយបង សូមយកខ្ញុំទៅជាមួយផង...”។

យ៉ាងណាមិញ នៅក្នុងសំបុត្រ ប្រពន្ធរបស់លោក Eung-Tae Lee ក៏បាននិយាយ ទៅកាន់លោក Lee ដែរថា ប្រសិនបើបានឃើញ សំបុត្រនេះហើយ សូមឲ្យលោក Lee បង្ហាញខ្លួន នៅក្នុង សុបិនរបស់គាត់ ប្រាប់គាត់ថាត្រូវ រស់នៅបែបណាតទៅទៀត ព្រោះគាត់ជឿជាក់ថា គាត់នឹងបានឃើញ លោក Lee នៅក្នុងសុបិន ជាក់ជាមិនខាន៕