កាលពីពេលថ្មីៗនេះ អ្នកនិយមប្រើប្រាស់ បណ្តាញសង្គម ហ្វេសប៊ុក នៅក្នុងប្រទេសកម្ពុជា បាននាំគ្នាកោតសរសើរ មិនដាច់ពីមាត់ ចំពោះកងរាជអាវុធហត្ថ មួយក្រុម ដែលបានដុតដៃដុតជើង ជួយសង្គ្រោះ លោកអ៊ុំចំណាស់ម្នាក់ បន្ទាប់ពីគាត់ បានជួបគ្រោះថ្នាក់ចរាចរ នៅតាមផ្លូវ បណ្តាលឲ្យរងរបួសផងដែរ។

ហេតុការណ៏នេះ បានកើតឡើង កាលពីថ្ងៃទី០៧ ខែតុលា កន្លងទៅនេះ នៅតាមបណ្តោយផ្លូវមួយ នៅក្នុងទីក្រុងភ្នំពេញ។

បើតាមរូបភាព ដែលបានថត និងបង្ហោះ នៅលើបណ្តាញសង្គម ហ្វេសប៊ុក បានបង្ហាញឲ្យឃើញ កងរាជអាវុធហត្ថ មួយក្រុម មានគ្នាចំនួន ៥នាក់ បានឈប់ម៉ូតូ ចុះទៅជួយលោកអ៊ុំម្នាក់ ដែលបាន ជួបគ្រោះថ្នាក់ចរាចរ នៅតាមផ្លូវ។ ជាមួយគ្នានេះដែរ ពួកគាត់បានយក កាតាបពេទ្យ ដែលមានប្រដាប់ប្រដា ពេទ្យមួយចំនួន នៅក្នុងនោះ ហើយបានយកថ្នាំ និងបង់រុំរបួស មករុំឲ្យលោកអ៊ុំម្នាក់នោះ ទៀតផង។

ជាងនេះទៅទៀត កងរាជអាវុធហត្ថ មួយក្រុមនោះ ថែមទាំងបាន ជូនលោកអ៊ុំ ដែលជួបគ្រោះថ្នាក់នោះ ទៅផ្ទះ ដែលស្ថិតនៅឯ ព្រែកលៀប ទៀតផង នេះហើយគឺជាសន្តានចិត្តល្អ ដែលធ្វើឲ្យគ្រប់គ្នា គួរតែកោតសរសើរ ពិតមែន៕

ខាងក្រោមនេះ គឺជាការកោតសរសើរ ចំពោះកងរាជអាវុធហត្ថ ដែលបានជួយសង្គ្រោះ លោកអ៊ុំចំណាស់ម្នាក់នោះ

តើប្រិយមិត្តយល់យ៉ាងណាដែរ ចំពោះសន្តានចិត្តល្អ របស់ក្រុមកងរាជអាវុធហត្ថយើង ខាងលើនេះ?

ប្រភព ៖ ហ្វេសប៊ុក

កែសម្រួលដោយ ៖ ប៊ី

ប្រភព៖ khmerload