ចិន ៖ ប្រិយមិត្តប្រាកដជា បានជ្រាបហើយថា មានគូស្នេហ៍ មួយចំនួន បាននាំគ្នារៀបការ ជាច្រើនគូ នៅកន្លែងតែមួយ និង ពេលតែមួយ។ ប៉ុន្តែអ្វីដែលគួរឲ្យ ភ្ញាក់ផ្អើលនោះ គឺលើកនេះវិញ គូស្នេហ៍ចំនួន ៥៨ គូ បាននាំគ្នារៀបការ នៅលើលំហអាកាស យ៉ាងសប្បាយរីករាយ និង រូម៉ែនទិចបំផុត។

គូស្នេហ៍ទាំង ៥៨ គូនេះ បាននាំគ្នារៀបការ នៅលើយន្តហោះ ដែលធ្វើដំណើរ ពីរដ្ឋធានី ហាងចូង ទៅកាន់ទីក្រុង ប៉េកាំង ដោយកូនក្រមុំ ទាំងអស់នេះ បានដាក់វេនគ្នាដើរ ម្នាក់ម្តងៗ ទៅរកកូនកំលោះ ដើម្បីធ្វើពិធីស្បថស្បែ ពាក់ចិញ្ចៀន រវាងកូនកំលោះក្រមុំ ដោយមានអ្នក បំរើយន្តហោះ ជួយធ្វើជាសាក្សី ក្នុងពិធីអាពាហ៍ពិពាហ៍ នៅលើអាកាសនេះផងដែរ។

មិនតែប៉ុណ្ណោះទេ គូស្វាមីភរិយា ដែលទើបតែរៀបការថ្មីថ្មោង ទាំង ៥៨ គូនេះ ត្រូវបានខាងក្រុមហ៊ុន អាកាសចរណ៍ចិន ផ្តល់នូវការស្នាក់នៅ ក្នុងទីក្រុងប៉េកាំង ចំនួនពីរថ្ងៃ ដើម្បីឲ្យពួកគេក្រែប ទឹកឃ្មុំ យ៉ាងផ្អែមល្ហែមទៀតផង។

យ៉ាងណាមិញ មានមតិមួយចំនួន បានលើកឡើងថា គូស្វាមីដែលទើបតែ រៀបការ ២៥ ភាគរយ នៅលើលំហ អាកាសសាលនេះ ប្រហែលជាអាច ត្រូវលែងលះគ្នាទៀតផង៕

ចុះប្រិយមិត្តវិញយល់យ៉ាងណាដែរ?