បាត់ដំបង ៖ យុវជនម្នាក់ បានលួងលោម ចាប់រំលោភ អនីតិជន អាយុ១៤ឆ្នាំ តាំងពីខែសីហា និងខែកញ្ញា ឆ្នាំ២០១៤ មករហូតដល់ ថ្ងៃទី២ ខែតុលា បានសម្រេច៧ដង ក្នុងនោះ ចុងក្រោយ សម្រេច២ដង ទើបបែកធ្លាយ ដឹងដល់ឪពុកម្តាយ ជនរងគ្រោះ ប្តឹងឲ្យនគរបាលចាប់ខ្លួន កាលពីវេលាម៉ោង១០ព្រឹក ថ្ងៃទី៥ ខែតុលា ឆ្នាំ២០១៤ នៅចំណុចទួល ស្រកស្ថិត ក្នុងភូមិម៉ាណោក ឃុំតាលាស់ ស្រុកមោងឬស្សី រួចកសាងសំណុំរឿង បញ្ជូនខ្លួន ជនសង្ស័យ មកស្នងការខេត្ត ដើម្បីចាត់ការបន្តតាមផ្លូវច្បាប់។

លោក ណុប មុនី នាយផ្នែក នគរបាល ព្រហ្មទណ្ឌ ស្រុកមោងឬស្សី បានឲ្យដឹងថា យុវជនជន សង្ស័យដែល សមត្ថកិច្ចឃាត់ខ្លួន មាន ឈ្មោះ ជឿត គន្ធា ភេទប្រុស អាយុ១៧ឆ្នាំ មានទីលំនៅ ភូមិម៉ាណោក ឃុំតាលាស់ ស្រុកមោងឬស្សី ។

ចំណែក ជនរងគ្រោះមានអាយុ១៤ឆ្នាំ រស់នៅ ភូមិជាមួយគ្នា (ផ្ទះចម្ងាយពីគ្នា៥០០ម៉ែត្រ)។ លោក ណុប មុនី បានបញ្ជាក់ថា តាមសម្តី ជនរងគ្រោះបានរៀបរាប់ ក្នុងពាក្យបណ្តឹងប្រាប់ សមត្ថកិច្ចថា ជនសង្ស័យ និងជនរងគ្រោះបាន ស្គាល់គ្នា ជិតស្និទ្ធតាំងពីក្រោយ ចូលឆ្នាំខ្មែរឆ្នាំ២០១៤ កន្លងមក ។

លុះដល់អំឡុងខែសីហា និងខែកញ្ញា ឆ្នាំ២០១៤ ជនសង្ស័យ បានទំនាក់ទំនងគ្នា រួចបានលួងលោម ឈានដល់ការចាប់រំលោភ បានសម្រេចចំនួន៥ដងនៅ លើផ្ទះបងប្រុសជីដូន មួយជនរងគ្រោះឈ្មោះ ភុន ភារៈ អាយុ៣០ឆ្នាំ នៅជិតផ្ទះ ជនរងគ្រោះចម្ងាយ ២០ម៉ែត្រ (ម្ចាស់ផ្ទះទុកចោល ទៅប្រទេសថៃបាត់) ក្នុងនោះ នៅលើផ្ទះសម្រេច២ដង  រំលោភនៅ ក្រោយផ្ទះ២ដង និងរំលោភ នៅពាក់កណ្តាលផ្លូវ ខណៈពេលជនសង្ស័យ បបួលជនរងគ្រោះទៅ ដើរលេងយប់ នៅវត្តក្រត្របែក ។

លុះដល់វេលាម៉ោង១១យប់ ថ្ងៃទី២ ខែតុលា ជនរងគ្រោះបាន ចុះមកមុជទឹកពាងក្រោមផ្ទះ ស្រាប់តែ ជនសង្ស័យ បានចូលមកអូសដៃ ទៅក្រោយផ្ទះប្រហែង២០ម៉ែត្រ ចាប់រំលោភបាន សម្រេច២ដងទៀត ពេលនោះ ប្អូនប្រុសជនរងគ្រោះអាយុ១២ឆ្នាំ បានឃើញហើយ ក៏ទូរស័ព្ទ ហៅឪពុក ដែលកំពុងនៅរកត្រី នៅព្រៃរនាម ឲ្យមកផ្ទះដើម្បី ដោះស្រាយរឿងនេះ ។

ស្អែកឡើងឪពុក ជនរងគ្រោះបានមកដល់ផ្ទះ បានសួរនាំដឹងរឿងហើយ ក៏បានមកដាក់ ពាក្យបណ្តឹង សមត្ថកិច្ចនៅព្រឹកថ្ងៃទី៥ ខែតុលា ឲ្យជួយអន្តរាគមន៍ ។ បន្ទាប់ពីបានទទួល ពាក្យបណ្តឹងហើយ សមត្ថកិច្ច បានចុះឃាត់ខ្លួន ជនសង្ស័យវេលាម៉ោង១០ព្រឹក ថ្ងៃដដែល ខណៈជនសង្ស័យ កំពុងនៅផ្ទះ រួចនាំ យកមកសាកសួរ។

ជនសង្ស័យបានឆ្លើយសារភាពថា ខ្លួនជាបានស្រឡាញ់គ្នា ជាមួយជនរងគ្រោះ និងបានរួមរក្ស ជាមួយគ្នា បានសម្រេច៧ដង ពិតប្រាកដមែន ដោយគ្មានការបង្ខិតបង្ខំឡើយ ។

យោងតាមពាក្យបណ្តឹង របស់ឪពុក ជនរងគ្រោះនិងចម្លើយសារភាព របស់ជនសង្ស័យថា ជាករណី ស្រឡាញ់គ្នា គ្មានការបង្ខិតបង្ខំ យ៉ាងណាក៏ដោយ សមត្ថកិច្ចជំនាញ បានកសាងសំណុំរឿងបញ្ជូនខ្លួន ទៅស្នងការនគរបាលខេត្ត នៅព្រឹកថ្ងៃទី៦ ខែតុលា ដោយបានចោទ ប្រកាន់ពីបទ រំលោភសេពសន្ថវៈលើ អនីតិជនអាយុក្រោមអាយុ១៥ឆ្នាំ ដើម្បីចាត់ការបន្តតាមច្បាប់៕

ផ្តល់សិទ្ធដោយ ដើមអម្ពិល