ម៉ាឡេស៊ី៖ អតីតរាជនីសម្រស់ គឺនាង Lee sze Kei បានទម្លាយរឿងសម្ងាត់មួយ ដែលនាង បានលាក់ទុក អស់រយៈពេលរាប់ឆ្នាំ មកហើយ ពីរឿងកូនស្រីរបស់នាង។

យោងតាមសេចក្តីរាយការណ៍ ពីសារព័ត៌មានបរទេស បានឲ្យដឹងថា នាង Lee  បានឈ្នះក្នុងការប្រកួត កម្មវិធីរាជនីសម្រស់ កាលពីនាង វ័យ១៩ឆ្នាំ ហើយរូបនាង បានលាក់បាំងរឿងមួយ ដែលគ្មាននរណា ដឹងនោះទេ។

កាលពីថ្ងៃព្រហស្បតិ៍ នាង Lee ត្រូវបានអញ្ជើញជា ភ្ញៀវកិត្តិយសក្នុង ស្ថានីយ៍វិទ្យុ៩៨៨ ហើយរូបនាង ក៏បាននិយាយថា "កូនស្រីដំបូង គឺ មិនមែនជាកូន របស់ស្វាមី ពេញច្បាប់របស់ខ្ញុំនោះទេ គឺជាកូន របស់អតីត មិត្តប្រុសខ្ញុំ។ ខណៈពេលខ្ញុំ កំពុងតែ មានផ្ទៃពោះនោះ គាត់ក៏បាន សុំរៀបការដែរ ប៉ុន្តែរូបខ្ញុំ មិនបានយល់ព្រមនោះទេ។  ហើយខ្ញុំ ក៏បានចេញទៅ ប្រទេសក្រៅ ដើម្បីការងាររបស់ខ្ញុំ។ កាលពីពេល នោះដែរ ខ្ញុំហាក់ដូចមាន អារម្មណ៍ថា ខ្ញុំនៅក្មេងពេក ហើយខ្ញុំ ក៏មិនទាន់បាន ត្រៀមខ្លួន ក្នុងរឿង រៀបការដែរ។ សំណាងល្អ គ្រួសាររបស់ខ្ញុំ ក៏យល់ចិត្តខ្ញុំ ក្នុងរឿងនេះ"។

គួរបញ្ជាក់ផងដែរថា ស្រីស្អាតវ័យ២៩ឆ្នាំរូបនេះ បានទៅរស់នៅ ទីក្រុងហុងកុង ដើម្បីអាជីពការងារ របស់នាង ហើយនាង ក៏បានសម្រាល បានកូនស្រី ក្នុងឆ្នាំ២០០៧។ រហូតដល់ ឆ្នាំ២០១១ នាងបាន រៀបការជាមួយ បុរសជនជាតិហុងកុងម្នាក់ ឈ្មោះStephen Chu  ហើយពួកគេ ក៏មានកូនប្រុស ជាមួយគ្នា។ ប៉ុន្តែពួកគេទាំង២នាក់នេះ តែងតែឈ្លោះគ្នាជារឿយៗផងដែរ។

យ៉ាងណាមិញ នេះជាអាថ៌កំបាំងមួយ ដែលនាង Lee មិនដែលនិយាយ រឿងកូនស្រីដំបូងរបស់នាង ប្រាប់ទៅនរណាគេ ឲ្យដឹងឡើយ ទើបតែថ្មីៗ នេះទេ ទើបនាង សុខចិត្តហ៊ានទម្លាយរឿងនេះ ជាសារធាណៈតែម្តង៕

តើប្រិយមិត្ត យល់យ៉ាងណាដែរ ចំពោះរឿងនេះ?

ប្រភព loliipop