ភ្នំពេញ៖ បុរសម្នាក់ត្រូវបាន ជនសង្ស័យប្រុសស្រីពីរនាក់ ដាក់ថ្នាំសណ្តំយកម៉ូតូ គ្រឿងទៅបាត់ ដោយដឹក ជនរងគ្រោះយកទៅទំលាក់ ចោលនៅក្នុងដីឡូត៍ មួយកន្លែងក្បែរោងចក្រ ក្នុងភូមិត្រពាំងល្វា សង្កាត់ កាកាប ខណ្ឌពោធិ៍សែនជ័យ កាលពីវេលាម៉ោង៥ និង១០នាទីព្រលប់ ថ្ងៃទី៣ ខែតុលាឆ្នាំ២០១៤។

អ្នកឃើញហេតុការណ៍បាននិយាយថា បុរសរងគ្រោះពុំត្រូវបានគេស្គាល់ អត្តសញ្ញាណនោះទេ ដោយសារ តែ ជនរងគ្រោះសន្លប់ បែកពពុះមាត់ ប៉ុន្តែគ្រាន់តែដឹងថា បុរសរងគ្រោះនេះជិះម៉ូតូ មួយគ្រឿង ម៉ាក សេ១២៥ ពណ៌ខ្មៅ ពុំចាំស្លាកលេខនោះទេ ចំណែកឯជនសង្ស័យ វិញមានគ្នា២នាក់ គឺស្រីម្នាក់ ប្រុសម្នាក់។

ប្រភពដដែលបានបន្តថា មុនពេលកើតហេតុគេឃើញបុរសរងគ្រោះ បានឌុបមនុស្សម្នាក់ និងមនុស្សប្រុស ចូលទៅកន្លែង កើតហេតុ ពេលនោះពួកគាត់ក៏មិនបាន ចាប់អារម្មណ៍ អ្វីដែរក៏ធ្វើដំណើរ ហួសបាត់ទៅ លុះដល់ ពេលត្រឡប់មកវិញ ស្រាប់តែឃើញបុរសរងគ្រោះ ដេកសន្លប់ម្នាក់ឯងដោយ មានសភាពបែក ពពុះមាត់ ថែមទៀតផង ទើបមានការភ្ញាក់ផ្អើល ដល់ប្រជាពលរដ្ឋ រស់នៅជិតខាងនិងនគរបាលប៉ុស្តិ៍ មកពិនិត្យផងដែរ បន្ទាប់ពីនគរបាលចុះមកដល់នោះ ក៏បានបញ្ជូនបុរសរងគ្រោះកាន់ មន្ទីរពេទ្យបង្អែក ពោធិ៍ចិនតុងជា បន្ទាន់ដើម្បីជួយសង្គ្រោះអាយុជីវិត ។ប៉ុន្តែទោះបីជាយ៉ាងក៏ដោយ គេពុំដឹងពិតប្រាក ដអំពីមូលហេតុ នៃការសន្លប់បែកពពុះមាត់ របស់បុរសរងគ្រោះនោះ ដោយរងចាំគាត់មានស្មារតីប្រក្រតី ឡើងវិញសិន៕

ផ្តល់សិទ្ធដោយ ដើមអម្ពិល