កណ្តាលៈ រថយន្តដឹកទឹកសុទ្ធមួយគ្រឿង បានបើកទៅបុក កម្មកររោងចក្រពីនាក់ដែល កំពុងឈរលើផ្លូវ បណ្តាលឲ្យរងរបួស ហើយបានបើកបន្តទៅបុកនឹងរថយន្តមួយគ្រឿងទៀត។ ហេតុការណ៍នេះបានកើត ឡើង កាលពីវេលាម៉ោង១៨.៣០នាទី នៅថ្ងៃទី១ ខែតុលា ឆ្នាំ២០១៤ ស្ថិតនៅចំណុច លើផ្លូវជាតិលេខ៤ ចន្លោះគីឡូម៉ែត្រ២៤-២៥ ភូមិអង្គស្នួលទី១ ឃុំពើក ស្រុកអង្គស្នួល។

រថយន្តបង្កហេតុម៉ាកហ៊ីយ៉ាន់ដាយ ពណ៌ស ពាក់ស្លាកលេខភ្នំពេញ2O-9320 ប្រភេទ១តោន ដឹកទឹកសុទ្ធ បើកបរដោយឈ្មោះ ប្រុស ទិត្យ ភេទប្រុស អាយុ២៧ឆ្នាំ នៅភូមិត្រពាំងខ្នា ឃុំឆក់ឈើនាង ស្រុកអង្គស្នួល រងរបួសបាក់ជើងខាងឆ្វេង និងជិះជាមួយម្នាក់ទៀត ឈ្មោះហ៊ន ផាន់ណាក់ ភេទប្រុស អាយុ២២ឆ្នាំ នៅភូមិពាមខ្វាវ ឃុំដំបូរូង ស្រុកភ្នំស្រួចខេត្តកំពង់ស្ពឺ រងរបួសស្រាល។

ប្រភពព័ត៌មានបានឲ្យដឹងថា នៅមុនពេលកើតហេតុគេឃើញ រថយន្តបង្ក បើកមកពីទិសខាងលិច មកកើតលុះដល់ចំណុចខាងលើ បានគេចពីកម្មកររោងចក្រ ដែលឈរលើថ្នល់ ឈ្មោះព្រឿង ចាន់នី ភេទស្រី អាយុប្រហែល២៣ឆ្នាំ និងឈ្មោះ អោក គឹមសឿន ភេទស្រី អាយុ២៣ឆ្នាំ មុខកម្មកររោងចក្រ របួសស្រាល ហើយរថយន្តនោះក៏បានជ្រុលចង្កូតទៅ

បុក រថយន្ត១គ្រឿងទៀត ម៉ាក ហ៊ីយ៉ាន់ដាយ ពណ៌សឆ្នូតខៀវ ពាក់ស្លាកលេខកំពង់ធំ 3A-1368 បើកបរដោយឈ្មោះអ៊ូរ ណារិទ្ធ ភេទប្រុស អាយុ៣៥ឆ្នាំ នៅភូមិកណ្ដាលឃុំវ័រស ស្រុកសំរោងទង ខេត្តកំពង់ស្ពឺ (ជារថយន្តប្រភេទដឹកទំនិញធន់ធំ) ដែលបើក ពីទិសខាងកើតមក ទិសខាងលិចក្នុង ទិសដៅបញ្ច្រាសគ្នា ។

ផ្តល់សិទ្ធដោយ ដើមអម្ពិល