ចិន៖ ក្រុមហ៊ុនបោកគក់ ដែលមានទីតាំង នៅក្នុងទីក្រុងសៀងហៃ បានឲ្យស្រីស្អាត ២នាក់ ដោះអស់សំលៀកបំពាក់ សល់តែឈុតក្នុង នៅក្នុងទួរថភ្លើង ដើម្បីផ្សាយពាណិជ្ជកម្ម ឲ្យក្រុមហ៊ុនខ្លួន ដែលត្រូវបានអ្នកដំណើរ ថតបង្ហោះចូលទៅក្នុង បណ្តាញសង្គម និង ទទួលរងការរិះគន់យ៉ាងខ្លាំង ផងដែរ។

តាមប្រភពព័ត៌មាន បានឲ្យដឹងថា នារី ២នាក់ដែលដើរបណ្តើរ ដោះសំលៀកបំពាក់បណ្តើរ នៅក្នុងទូរថភ្លើងនោះ ពួកគេកំពុង តែថតផ្សាយ ពាណិជ្ជកម្ម ឲ្យក្រុមហ៊ុនបោកគក់ Tidy Laundry Co។ ជាមួយគ្នានេះដែរ បន្ទាប់ពីវីដេអូនេះ ត្រូវបានចែកចាយរួចមក ក្រុមហ៊ុនបោកគក់ Tidy Laundry Co ត្រូវបានគេផាកពិន័យ ព្រោះតែលក្ខណៈ នៃការផ្សាយពាណិជ្ជកម្មនេះ បានធ្វើឲ្យរំខាន ដល់សណ្តាប់ធ្នាប់ សាធារណៈ និង គ្មានការអនុញ្ញាត ពីខាងស្ថានីយ៍រថភ្លើងឡើយ។ ប៉ុន្តែក្រុមហ៊ុនបោកគក់ Tidy Laundry Co បាននិយាយវិញថា ពួកគេសុទ្ធតែបាន បង់ប្រាក់ ឲ្យទៅអ្នក ដែលនៅក្នុង ទូរថភ្លើងទាំងអស់ ដែលមាននៅក្នុង ការផ្សាយពាណិជ្ជកម្មនោះ។

យ៉ាងណាមិញ ប៉ូលីសបាននិយាយថា ក្រុមហ៊ុនណាក៏ដោយ ដែលចង់ថត ផ្សាយពាណិជ្ជកម្ម នៅលើទូរថភ្លើង ក្នុងទីក្រុងសៀងហៃ ត្រូវទទួលការអនុញ្ញាត ពីអជ្ញាធរពាក់ព័ន្ធ ជាមុនសិន ហើយការផ្សាយ ពាណិជ្ជកម្មទាំងនោះ មិនត្រូវមានលក្ខណៈ ជះឥទ្ធិពលអាក្រក់ ដល់សង្គមឡើយ៕

ប្រភព៖ Shanghaiist