រាជធានីភ្នំពេញ ៖ រថយន្តកាមរី មួយគ្រឿង បើកបត់ឆ្លងផ្លូវ ត្រូវម៉ូតូធុនធំ មួយគ្រឿង បើកមកពីក្រោយ ចាប់ហ្រ្វាំងមិនទាន់ ជ្រុលទៅបុកចំ ចំហៀងខាងឆ្វេង រថយន្តពេញទំហឹង បណ្តាលឱ្យដួលម៉ូតូ សំណាងល្អអ្នកជិះ រងរបួសស្រាល ចំណែករថយន្ត និងម៉ូតូរងការខូចខាត តិចតួចទាំងសងខាង ។ ហេតុការណ៍នេះ កើតឡើងកាល ពីវេលាម៉ោង ៩យប់ ថ្ងៃទី ៣០ កញ្ញា ២០១៤ នៅចំណុច មុខក្រុមហ៊ុន សិុនទ្រី តាមផ្លូវព្រះមុនីវង្ស ស្ថិតក្នុងសង្កាត់ ទន្លេបាសាក់ ខណ្ឌចំការមន ។

ប្រភពព័ត៌មាន ពីកន្លែងកើតហេតុ បានឱ្យដឹងថា នៅមុនពេល កើតហេតុ គឺមានរថយន្ត ម៉ាកកាមរី មួយគ្រឿង ពណ៌ខ្មៅ ពាក់ស្លាកលេខ ភ្នំពេញ 2M-7227 បើកដោយបុរសម្នាក់ និងរួមដំណើរដោយ បុរសម្នាក់ទៀត ធ្វើដំណើរតាមផ្លូវ ព្រះមុនីវង្ស ក្នុងទិសដៅ ពីជើងទៅត្បូង ខណៈមកដល់ ចំណុចកើតហេតុ រថយន្តបានបើក បត់ឆ្វេងឆ្លងផ្លូវ ក៏ត្រូវម៉ូតូធុនធំ មួយគ្រឿង ម៉ាក CBR ពណ៌ក្រហម ពាក់ស្លាកលេខ ភ្នំពេញ 1CD-0395 ជិះដោយបុរសម្នាក់ ស្របទិសគ្នា បើកមកពីក្រោយ ចាប់ហ្រ្វាំងមិន ទាន់ជ្រុលទៅបុក ចំចំហៀងខាងឆ្វេង រថយន្តពេញទំហឹង បណ្តាលឱ្យដួលម៉ូតូ សំណាងល្អអ្នកជិះ រងរបួសស្រាល ចំណែករថយន្ត និងម៉ូតូរងការ ខូចខាតតិចតួច ទាំងសងខាង ។

ក្រោយពេលកើតហេតុ ភាគីទាំងពីរ បានធ្វើការសម្រួលគ្នា នៅកន្លែងកើតហេតុ ដម្បីបញ្ចប់រឿង៕

ផ្តល់សិទ្ធដោយ កោះសន្តិភាព