ភ្នំពេញ៖ កម្មវិធីប្រលងចម្រៀង លំដាប់ពិភពលោក The Voice វគ្គ The Battle បានឈានចូលដល់ សប្តាហ៍ទី ពីរ ហើយកាល ពីថ្ងៃទី ២១ ខែកញ្ញា កន្លងទៅនេះ ចំណែកឯវីដេអូ គឺត្រូវបានបង្ហោះ កាលពីម្សិលមិញនេះ តែប៉ុណ្ណោះ។

ក្នុងនោះដែរ គេសង្កេតឃើញ មហាជនបានវាយតម្លៃថា ការប្រកួតរវាង បេក្ខជន សួន សុវណ្ណចន្នី និង បេក្ខនារី ចំរើន សុភ័ក្ត្រ ជាគូឯក ប្រចាំសប្តាហ៍ទី ២ នេះ ដោយសារតែអ្នកទាំងពីរ បកស្រាយបទចម្រៀង មួយបទ ក្រោមចំណមជើងថា “ក្បត់ហួសទៅហើយ” បានយ៉ាងពិរោះ។

អ្វីដែលគួរឲ្យកត់សម្គាល់នោះគឺ មួយគូនេះ ពិតជាពិសេស មិនធ្លាប់ប្រទះពី មុនមក ដោយបេក្ខជន បែរជាត្រូវ ប្រកួត ជាមួយនឹងបេក្ខនារី ទៅវិញ ហើយមិនតែប៉ុណ្ណោះ វីដេអូរបស់អ្នកទាំងពីរ គឺទទួលបានការចុច LIKE និង SHARE ច្រើនជាងគេ ពីសំណាក់អ្នកលេង ហ្វេសប៊ុក ជាច្រើនផងដែរ។

គួរបញ្ជាក់ផងដែរថា មានបណ្តាអ្នកលេងហ្វេសប៊ុកជាច្រើន បានធ្វើការបញ្ចេញមតិ ដោយ សរសើរ លោក ណុប ប៉ាយ៉ារិទ្ធិ មិនដាច់ពីមាត់ថា លោកមិនត្រឹមតែចេះ ផ្គូរផ្គងដៃគូ ឲ្យល្អឥតខ្ចោះនោះទេ ថែមទាំង អាចរក បទចម្រៀង ឲ្យសាកសម សម្រាប់កូនក្រុមរបស់លោកទៀតផង៕

ដូចនេះ បើចង់ដឹងច្បាស់ សូមទស្សនាវីដេអូ៖

តើប្រិយមិត្តយល់យ៉ាងណាដែរ ចំពោះមតិថា មួយគូនេះ ជាគូឯកប្រចាំ សប្តាហ៍ទី ២?

ប្រភព៖khmerload.com