អាមេរិក ៖ តាមប្រភពសារព័ត៌មាន បានឲ្យដឹងថា អ្នករាយការណ៍ ព័ត៌មានម្នាក់ បានលាឈប់ពីការងារ ខណៈពេល កំពុងតែផ្សាយផ្ទាល់ លើកញ្ចក់ ទូរទស្សន៍ដោយ និយាយពាក្យសំដី មិនសមរម្យ ជាមួយនឹងអាកប្បកិរិយា ក្រអឹតក្រទម រួចដើរចេញយ៉ាងឡូយ ដោយគ្មាន សោកស្តាយ អ្វីបន្តិចឡើយ។

អ្នករាយការណ៍ព័ត៌មានរូបនេះ មានឈ្មោះ Charlo Greene បានបោះបង់ការងារ ជាអ្នកនិយាយព័ត៌មាន ក្នុងកម្មវិធី ព័ត៌មាន ដែលធ្វើការ ផ្សាយផ្ទាល់ តាមកញ្ចក់ទូរទស្សន៍ KTVA  ដោយមុននឹងចាកចេញ អ្នករាយការណ៍ ព័ត៌មាន រូបនេះបានប្រើពាក្យ មិនសមរម្យ និយាយថា ‘F**k it, I quit.’ នៅពេល ផ្សាយផ្ទាល់ រួចក៏ចាកចេញពីកម្មវិធីតែម្តង ទុកឲ្យអ្នករាយការណ៍ព័ត៌មាន មួយរូបទៀត ជាអ្នកសូមអភ័យទោស ដល់ទស្សនិកជន ដែលបានមើលការ ផ្សាយផ្ទាល់នេះ តែម្នាក់ឯង។

មូលហេតុ ដែលបណ្តាល ឲ្យអ្នករាយការណ៍ព័ត៌មាន រូបនេះសុខចិត្ត លាលែងពីការងារ ក្នុងពេល ផ្សាយផ្ទាល់ដូច្នេះ គឺបណ្តាលមកពី ព័ត៌មាន ដែលនាងកំពុងតែ ធ្វើការរាយការណ៍ គឺមាន គោលគំនិតខ្វែងគ្នា នឹងការចាប់អារម្មណ៍របស់នាង។ នាងបាននិយាយទៅកាន់ទស្សនិកជន ទូរទស្សន៍ប៉ុស្ត៍ KTVA ថា នាងចង់ចំណាយពេល ដើម្បីទាមទារ ការប្រើប្រាស់កញ្ឆា ស្របច្បាប់ នៅក្នុងរដ្ឋ Alask។

អ្វីដែលសំខាន់ទៀតនោះ Greene នាងជាម្ចាស់ ក្លឹបដាំកញ្ឆាផ្ទាល់ ហើយដែលក្លឹបនេះផងដែរ បានធ្វើការបណ្តុះបណ្តាលដល់មនុស្ស ឲ្យចេះដាំកញ្ឆា និង ប្រើប្រាស់កញ្ឆា ដោយសុវត្ថិភាព ប៉ុន្តែ មិនបានបង្រៀនមនុស្ស ដើម្បីលក់កញ្ឆាឡើយ៕

ចង់ដឹងយ៉ាងណាសូមទស្សនាវីដេអូទាំងអស់គ្នា ៖

ចុះប្រិយមិត្តយល់យ៉ាងណាដែរ?

ប្រភព ៖ khmerload