វៀតណាម៖ យោងតាម គេហទំព័រ ការពារសុវត្ថិភាព ប្រព័ន្ធអ៊ិណធើណេតវៀតណាម បានបង្ហាញថា ក្រុម Hacker ដែលភាគច្រើនជា ជនជាតិចិន បានវាយប្រហារ ជាង ១,០០០ គេហទំព័រ របស់ប្រទេសខ្លួន នាពេលកន្លងទៅនេះ។

យោងទៅតាម SecurityDaily បានឲ្យដឹងថា តួលេខនៃគេហទំព័រ ដែលត្រូវបានវាយប្រហារ ដោយក្រុម Hacker នេះ គឺជាចំនួនដ៏ខ្ពស់បំផុត ដែលគិតចាប់ពីខែ មករា ដល់ ខែ កញ្ញា។ អ្វីដែលគួរកត់សម្គាល់ ទៀតនោះ ក្រុម Hacker ទាំងនេះ គឺភាគច្រើនគឺជាជនជាតិចិន រីឯ មួយចំនួនទៀត គឺជាជនជាតិ ឥណ្ឌូនេស៊ី , ស៊ីរី , ទួរគី និង វៀតណាមខ្លួនឯងផ្ទាល់។

ក្នុងនោះដែរ គេហទំព័រ ដែលត្រូវបាន វាយប្រហារ មាន ៣០ គេហទំព័រ មានឈ្មោះ domain name gov.vn. ខណៈគេហទំព័រ ៦៩ ផ្សេងទៀត ជាគេហទំព័រ របស់ ក្រសួងអប់រំ ដែលមានឈ្មោះ ពីខាងមុខ edu.vn។

យោងតាមប្រភពដដែល បានបង្ហាញទៀតថា ក្រុម Hacker ទាំងអស់នេះ បានចូលគ្រប់គ្រងគេហទំព័រ របស់រាជរដ្ឋាភិបាលវៀតណាម រយៈពេល ជិត ២០ថ្ងៃ នៅចុងខែសីហា កន្លងមកនេះ។

គួរបញ្ជាក់ផងដែរ ជាង ៤,៨០០ គេហទំព័រវៀតណាម ត្រូវបានវាយប្រហារ ដោយក្រុម Hacker ក្នុងកំឡុងពេល ៩ខែ នៃឆ្នាំ ២០១៤ នេះ ដែលមានចំនួន ច្រើនជាងទ្វេរដង បើប្រៀបធៀប ទៅនឹងឆ្នាំ ២០១១ រហូត ដល់ ២០១៣៕

រូបតំណាង