មន្ទីរពេទ្យកាល់ម៉ែត បន្ថែមឧបករណ៍ទំនើបៗ

មន្ទីរពេទ្យកាល់ម៉ែត បន្ថែមឧបករណ៍ទំនើបៗ

មន្ទីរពេទ្យកាល់ម៉ែត បានទទួលនូវបរិក្ខារពេទ្យ ដែលត្រូវដាក់នៅមជ្ឈមណ្ឌលវិទ្យាសាស្ត្រប្រព័ន្ធប្រសាទដំបូងគេនៅក្នុងប្រទេសកម្ពុជា រួមមានប្រព័ន្ធរូបភាពបេះដូងសរសៃឈាមបេះដូង ឧបករណ៍ជំនួយការដកដង្ហើម ម៉ាស៊ីនអេកូសាស្ត្រផ្សេងៗ និង ប្រព័ន្ធរូបភាពសម្រាប់ការវះកាត់ពីមូលនិធិ GE ដើម្បីអភិវឌ្ឍន៍វិស័យសុខាភិបាលនៅកម្ពុជា។

Untitled-13ge

មូលនិធិ GE កំពុងធ្វើជាដៃគូរជាមួយក្រសួងសុខាភិបាលនៅក្នុងប្រទេសកម្ពុជាដើម្បីពង្រីកនូវសេវាថែទាំសុខភាពសម្រាប់ប្រជាជន ដែលទទួលការថែទាំមិនគ្រប់គ្រាន់។ មូលនិធិនេះ មានគម្រោងកែលម្អហេដ្ឋារចនាសម្ព័ន្ធ ដោយដាក់ឲ្យដំណើរការបរិក្ខារវេជ្ជសាស្ត្រ ព្រមទាំងបណ្ដុះបណ្ដាលបុគ្គលិកសម្រាប់មូលដ្ឋានសុខាភិបាល និង ពង្រីកកម្មវិធីថ្មីៗ ឲ្យទឹកប្រាក់វិនិយោគសរុបរបស់អភិវឌ្ឍវិស័យសុខាភិបាលជាសាកលនៅកម្ពុជាកើនឡើងដល់ ១៣ លានដុល្លារ អាមេរិកក្នុងរយៈពេល ៧ ឆ្នាំ។

លោកវេជ្ជបណ្ឌិត David Barash នាយកផ្នែកវេជ្ជសាស្ត្រ នៃមូលនិធិ GE បានមានប្រសាសន៍ថា នេះជាសារសំខាន់មួយក្នុងការអភិវឌ្ឍន៍វិសាលភាព និង ការជំរុញការកែលំអរប្រកបដាយនិរន្តរភាពនៅក្នុងផ្នែកសុខាភិបាល ។

អនុប្រធានមូលនិធិ GE និង ជាប្រធានអគ្គនាយកនៃ Global Growth & Operations លោក John Rice បានមានប្រសាសន៍ថា ការផ្ដល់លទ្ធភាពទទួលបានការថែទាំសុខភាពប្រកបដោយគុណភាព និង ការប្រើប្រាស់ផលិតផល និង ជំនាញ ដើម្បីជួយប្រជាជននៅទូទាំងប្រទេសឲ្យរស់នៅក្នុងជីវិត ដែលមានសុខភាពល្អគឺជាវិធីសាស្ត្រដ៏អស្ចារ្យមួយ និងបញ្ជាក់ថាមូលនិធិ GE គឺជាដៃគូរយៈពេលវែងមួយដែលពិតជាយកចិត្តទុកដាក់ចំពោះប្រជាជន និង ការអភិវឌ្ឍន៍របស់ប្រទេសកម្ពុជាពិតប្រាកដមែន ។

មូលនិធិ GE ជាអង្គការមនុស្សធម៌បង្កើតឡើង ដើម្បីឲ្យប្រជាជនក្នុងពិភពលោកមានជីវិតល្អប្រសើរនៅក្នុងវិស័យសេដ្ឋកិច្ចសកល៕

Untitled-1ge
ប្រភព៖ sabay