រូប៤សន្លឹក បាញ់កប់ៗរឿងផ្លូវដក់ទឹក ក្រហេងក្រហូង

រូប៤សន្លឹក បាញ់កប់ៗរឿងផ្លូវដក់ទឹក ក្រហេងក្រហូង

មនុស្សមួយក្រុមនៅប្រទេសលីទុយអានី បាននាំគ្នាថតរូបលក្ខណៈកំប្លែងៗ ដើម្បីផ្ចាញ់ផ្ចាលរឿងផ្លូវខូចក្រហេងក្រហូងដែលមានទឹកដក់ពេញ។

ក្រុមដែលដាក់ឈ្មោះខ្លួនឯងថា Z999 ក្នុងបណ្ដាញសង្គមនោះ បានបញ្ជាក់ថា រូបទាំងនោះ គឺថតឡើងដើម្បីធ្វើយ៉ាងណាឲ្យរដ្ឋាភិបាលចាត់វិធានការ ជួសជុលផ្លូវដែលកំពុងតែដក់ទឹកនោះ។ ដូចដែលប្រិយមិត្តបានឃើញខាងក្រោមស្រាប់ រូបទាំង៤សន្លឹកនោះ រួមមានទាំងរូបឈរលោតចូលទឹក រូបអង្គុយសាសងមាត់ទឹក រូបដុសធ្មេញនៅជាប់ទឹក និងរូបស្ទូចត្រី ដែលសុទ្ធសឹងតែបង្កប់អត្ថន័យឌឺដងទាំងអស់។

ស្ថានភាពផ្លូវ ដែលជាផ្នែកមួយនៃសុវត្ថិភាពលើដងផ្លូវ គឺជាបញ្ហាដ៏ធំមួយដែលប្រទេសលីទុយអានីកំពុងជួបប្រទះ។ ប្រទេសនេះកំពុងឈរលើគេក្នុងចំណោមប្រទេសនានាក្នុងសហគមន៍អឺរ៉ុបដែលមានអត្រាគ្រោះថ្នាក់ចរាចរខ្ពស់ជាងគេ៕