ផ្លូវសំខាន់ៗ ភាគច្រើននៅភ្នំពេញនឹងមានសេវារថយន្តក្រុងរត់ពាក់កណ្ដាលខែក្រោយ

ផ្លូវសំខាន់ៗ ភាគច្រើននៅភ្នំពេញនឹងមានសេវារថយន្តក្រុងរត់ពាក់កណ្ដាលខែក្រោយ

នៅពាក់កណ្ដាលខែក្រោយនេះ ផ្លូវសំខាន់ៗ ចំនួន ៨ ខ្សែទៀត ក្នុងរាជធានីភ្នំពេញនឹងមានសេវារថយន្តក្រុងដាក់ឲ្យដំណើរការ ជាមួយនឹងរថយន្តទំនើបចំនួន ១១៨ គ្រឿង សាកល្បងរយៈពេល១០ខែ មានចែកជាបណ្ដាញមេ និងបណ្ដាញជំនួយ។ នេះបើតាមលោក Page ទំព័រ Facebook របស់សាលារាជធានីភ្នំពេញ ។

បណ្ដាញ មេ ៤ ខ្សែគឺ ខ្សែទី១.តាមមហាវិថីព្រះមុនីវង្ស ចេញពីតាខ្មៅ ទៅដល់ផ្សារ ព្រែកព្នៅ, ខ្សែទី២. ចេញពីអង់តែនទួលគោក តាមវិថីម៉ៅសេទុង ឆ្លងកាត់ វិថីមួយចំនួន ហើយវិលទៅអង់តែន ទួលគោកវិញ, ខ្សែទី៣. ផ្លូវកម្ពុជាក្រោម ចេញពីរង្វង់មូលចោមចៅ ទៅដល់ផ្សាររាត្រី (ផ្សារចាស់), ខ្សែទី៤. ផ្លូវ ២៧១ (ផ្លូវមុខពេទ្យរុស្ស៊ី) ចេញពីក្ដីតាកុយទៅ ដល់អង់តែនទួលគោក។

City-bus6

បណ្ដាញជំនួយ ៤ខ្សែទៀតគឺ ខ្សែទី១. ចេញពីផ្សារប៉េសេទៅដល់ផ្សាររាត្រី, ខ្សែទី២. ចេញពីផ្សារប៉េសេ ទៅដល់ អង់តែនទួលគោក, ខ្សែទី៣. ចេញពី ផ្សាររាត្រី ទៅដល់ផ្សារសុវណ្ណា , ខ្សែ ទី៤. ចេញពីផ្សាររាត្រីទៅដល់ផ្លូវ ២៧១។

ដោយដកស្រង់ប្រសាសន៍របស់ លោក លឹម អង់ដ្រេ នាយកប្រតិបត្ដិ នៃក្រុមហ៊ុន GLOBAL បានឱ្យ ដឹងថា សេវាកម្មរថយន្តក្រុងសាធារណៈ នេះមិនគ្រាន់តែរក្សានូវតម្លៃ ១.៥០០ រៀលសម្រាប់មនុស្សម្នាក់ប៉ុណ្ណោះទេ គឺថែមទាំងមានកម្មវិធីល្អៗច្រើនជាង មុនទៅទៀត គឺ រថយន្តក្រុងទំនើបជាង មុនមានទ្វារពីរ បាតស្មើងាយស្រួលដល់ ជនពិការ និងមនុស្សចាស់ បំពាក់ដោយ WI FI និងប្រព័ន្ធ GPS”។
លោក អង់ដ្រេ បានបន្ថែម ទៀតថា “ លើសពីនេះទៅនឹងជាគោលការរបស់ក្រុមហ៊ុន GLOBAL ក្នុង វិស័យសង្គមកិច្ចផងនោះ មនុស្សអាយុ ៦៥-៧០ឆ្នាំ នឹងត្រូវបានបញ្ចុះតម្លៃ៥០ភាគរយ (៨៥០-៩០០រៀល) រីឯមនុស្សចាប់ពីអាយុ ៧០ឆ្នាំឡើងទៅ ជនពិការភ្នែកទាំងសងខាង និងអវយវៈ និងកុមារកម្ពស់ក្រោម១ម៉ែត្រ នឹងមិន ត្រូវគេយកលុយឡើយ”។

ក្រុមហ៊ុននេះក៏នឹងមានផ្ដល់ សេវាកម្មជាប័ណ្ណប្រចាំខែផងដែរ ដោយប័ណ្ណមួយខែតម្លៃ៥២.០០០ រៀល ហើយអតិថិជន ដែលជាវប័ណ្ណ នេះ អាចជិះរថយន្តក្រុងសាធារណៈ ប៉ុន្មានដង ក៏បានតាមតម្រូវការ។ ចំណែកសំបុត្រ ជាវដុំគឺ ក្នុងមួយដុំ មានសំបុត្រ១០សន្លឹក តម្លៃ ១៤.០០០រៀល គឺថោកជាងតម្លៃ រាយ ១.០០០រៀល។

ប្រភព Sabay

មុន បន្ទាប់

មតិយោបល់