បទសម្ភាសន៍ពិសេសជុំវិញការសម្រុកផលិតភាពយន្តដូចភ្លៀងរបស់ផលិតកម្ម Rock

បទសម្ភាសន៍ពិសេសជុំវិញការសម្រុកផលិតភាពយន្តដូចភ្លៀងរបស់ផលិតកម្ម Rock

គិតត្រឹមរយៈពេល២ឆ្នាំចុងក្រោយនេះ ផលិតកម្ម Rock បានសម្រុកផលិតភាពយន្តក្នុងស្រុកយ៉ាងគំហុក គួរឲ្យកត់សម្គាល់ ទាំងរឿងដុំ និងប្រភេទរឿងភាគចាក់បញ្ចាំងតាមកញ្ចក់ទូរទស្សន៍។ តើអ្វីនៅពីក្រោយនេះ ហើយបច្ចុប្បន្នផលិតកម្មមួយនេះផលិតភាពយន្តបានប៉ុន្មានហើយ សូមតាមដានបទសម្ភាសន៍ពិសេសរបស់ Sabay ជាមួយលោក យឹម សុសត្យា ឬលី ម៉េង (ឈ្មោះក្នុងសិល្បៈ) ប្រធានគ្រប់គ្រងការផលិតកម្ម Rock និងជាជំនួយការអគ្គនាយកផលិតកម្ម Rock នាពេលនេះ៖

យឹម សុសត្យា

លោក យឹម សុសត្យា ឬ លីម៉េង

យឹម សុសត្យា៖ បាទជម្រាបសួរ និងសូមអរគុណដល់ Sabay ដែលបានមកធ្វើបទសម្ភាសន៍ជាមួយខ្ញុំនៅពេលនេះ។ អ៊ឺ…ខ្ញុំមិនអាចជម្រាបឲ្យច្បាស់ទេថា Rock បើកនៅឆ្នាំណា ខែណា ព្រោះពេលនោះ ខ្ញុំក៏ចូលអត់ទាន់ដែរ ប៉ុន្តែអាចប្រាប់បានថា Rock បើកតំណាលគ្នានឹង CTN បើកដែរ។ ដំបូងឡើយ Rock ផលិតភាពយន្តភាគដាក់បញ្ចាំងនៅ CTN ក្រោយមកទៀតនៅឆ្នាំ ២០០៦ អ្នកឧកញ៉ា គិត ធាង បានផ្ដួចផ្ដើមគំនិតឲ្យផលិតបទចម្រៀងនិពន្ធថ្មីដោយខ្លួនទៀត ប៉ុន្តែមកទល់បច្ចុប្បន្ន នៅសល់តែការផលិតភាពយន្តប៉ុណ្ណោះ តែយើងបានបន្ថែមការផលិតភាពយន្តដុំថែមទៀត។

យឹម សុសត្យា៖ មិនខុសទេ យើងផលិតច្រើនមែន ក្នុងនោះមានទាំងភាពយន្តភាគ និងភាពយន្តដុំ…តាមគំនិតរបស់អ្នកឧកញ៉ា គឺលោកចង់ឲ្យឱកាសដល់កូនខ្មែរបានបញ្ចេញស្នាដៃ ទី២ចង់ពង្រីកទីផ្សារភាពយន្តក្នុងស្រុក និងចំរាញ់រកគុណភាពដើម្បីឈានទៅទីផ្សារអាស៊ានពេលធ្វើសមាហរណកម្ម អាស៊ានខាងមុខ។ ក៏ដូចគ្នាដែរ គឺយើងចង់រកអ្នកនិពន្ធល្អៗសម្រាប់ការផលិតរឿងមានគុណភាព និងមួយទៀត គឺអ្នកឧកញ៉ា ចង់ឲ្យភាពយន្តមានគ្រប់រសជាតិ អីចឹងហើយទើបយើងបានកៀរគរក្រុមអ្នកផលិតជាច្រើនមកធ្វើការជាមួយ គ្នា។ យឹម សុសត្យា

យឹម សុសត្យា៖ ទី១ គឺយើងបង្កើនថវិកាផលិត ក្នុងមួយភាគ ឬមួយរឿងៗ ដើម្បីយើងទាញយកគុណភាពខ្ពស់ ក្រៅពីនេះដែរ តាមគំនិតរបស់អ្នកឧកញ៉ាគឺលោកព្យាយាមឲ្យមានកិច្ចសហការជាមួយទូរទស្សន៍ក្រៅស្រុកមកចូលហ៊ុន ជាមួយយើងក្នុងការផលិតរឿង ដើម្បីពេលផលិតបានហើយ អាចចាក់នៅស្រុកយើងផង និងនៅស្រុកគេផង។ ទី២ គឺយើងរកអ្នកនិពន្ធល្អៗ យកមកនិពន្ធភាពយន្តមានគុណភាពអាចទាក់ទាញអ្នកទស្សនា ទាំងនៅស្រុកយើង និងនៅស្រុកគេ។ ចំពោះរឿងដុំ ដែលយើងធ្វើត្រៀមសម្រាប់ទីផ្សារអន្តរជាតិនោះ គឺត្រូវចំណាយទុនចាប់ពីកន្លះលានដុល្លារឡើងទើបអាចទៅរួច។ ដោយឡែករឿងភាគវិញ ជាង ១០ទៅ២០ម៉ឺនដុល្លារអីចឹងទៅ។

យឹម សុសត្យា៖ រឿងដែលយើងធ្វើកន្លងមក គឺអត់បានសហការជាមួយក្រសួងទេ ប៉ុន្តែស្ថិតក្រោមឱវាទរបស់ក្រសួងដដែលព្រោះយើងឆ្លងសេណារីយ៉ូ ឬ Script ទៅក្រសួងដូចគ្នា។ អ្វីដែលយើងអាចនិយាយថាជាកិច្ចសហការនោះ គឺពាក់ព័ន្ធនឹងសម្ភារ រឿងខ្លះយើងខ្ចី ខ្លះទៀតយើងជួលពីស្ទូឌីយ៉ូរបស់ក្រសួងនៅកំពង់ស្ពឺអីចឹងទៅ ប៉ុន្តែរឿងថវិកាវិញ គឺ Rock ជាអ្នកចំណាយទាំងអស់។

យឹម សុសត្យា

យឹម សុសត្យា៖ មានច្រើន ហើយក្នុងនោះមានពីរ ទី១គឺក្រុមផលិតរបស់ Rock ផ្ទាល់ ដែលមានខ្ញុំជាអ្នកនិពន្ធ រួមជាមួយក្រុមការងារដឹកនាំថតរបស់ខ្ញុំ។ ដោយឡែកក្រុមផលិតខាងក្រៅដែល Rock ចំណាយថវិកាទាំងស្រុងឲ្យផលិតនោះ គឺមានប្រមាណជាជិត ១០ក្រុមដែលចុះកុងត្រាផលិតឲ្យយើង និងតាមទិសដៅដែល Rock បានដាក់ទៅឲ្យ។

យឹម សុសត្យា៖ បញ្ហាចម្បងគឺ “គុណភាព” បើទោះយើងមិនដល់កូរ៉េ មិនដល់ថៃក៏ដោយ ប៉ុន្តែហោចណាស់ក៏គួរបាន៧០ ទៅ ៨០%ដែរ ក្នុងនោះមានលក្ខខណ្ឌមួយចំនួន សាច់រឿងត្រូវតែ ប្លែក ជួនកាលដកស្រង់រឿងពិតពីសង្គមបច្ចុប្បន្ន និងមិនច្រំដែលជាដើម។ ពួកគាត់នឹងត្រូវជម្រុះចោល ប្រសិនបើគាត់ធ្វើមិនសម្រេចដល់គោលដៅ។ មកដល់ឥឡូវ យើងរកឃើញថា ក្រុមខ្លះនឹងត្រូវជម្រុះហើយ តែសុំមិនបញ្ចេញនាពេលនេះ។

យឹម សុសត្យា

លោក យឹម សុសត្យា ពេលកំពុងធ្វើក្រុងពាលីរឿង “កំហុសអ្នកណា”

យឹម សុសត្យា៖ អ៊ឺ…គឺប្រហែលជា២០រឿង ទាំងភាពយន្តភាគ និងភាពយន្តដុំ។ រឿងភាគមាន “រលកបោកខ្សាច់” “ព្រហ្មលិខិត” “គំនុំអតីតជាតិ” “វេរាស្នេហ៍ឆ្លងភព” “រនាតស្នេហ៍” “ស្នេហ៍ពនេចរ” “សាកលវិទ្យាល័យកំណើតស្នេហ៍” និង “មាសសុទ្ធ” ជាដើម។ ក្នុងចំណោមនេះ មានខ្លះបញ្ចាំងចប់ហើយ ខ្លះកំពុងថត ខ្លះត្រៀមថត និងខ្លះទៀតថតចប់ត្រៀមដាក់បញ្ចាំង។ ដោយឡែករឿងខ្នាតធំដែលបានបញ្ចាំងរួចមាន “ចាំតែខ្លាចតើ” “ពូជខ្ញុំអីចឹង!” “អស់ទាស់ហ្មងទីតា” និងរឿង “Why” ដែលទើបដាក់បញ្ចាំងប៉ុន្មានថ្ងៃមុន។ រឿងកំពុងថតមានរឿង “Before the Fall” ឬ “មុនការដួលរលំ”ដែលផ្ដោតលើទីផ្សារបរទេស និងរឿង “ចេនាឡា២”។ រឿងដែលថតចប់មានរឿង “ភ្លើង”។

យឹម សុសត្យា៖ មានចំណុចពីរដែលខ្ញុំចង់និយាយ ទី១ភាពយន្តភាគ បន្ទាប់ពី Rock ចាប់ផ្តើមផលិតភាពយន្តភាគដាក់លើទូរទស្សន៍ ឃើញថា ប្រជាពលរដ្ឋយើងគាំទ្រច្រើន ទន្ទឹមនឹងអ្នកផលិតក៏ចេះតែបង្កើនគុណភាពឡើងៗទៅដែរ។ ចំណែករឿងដុំវិញ ពួកគាត់រឹតតែគាំទ្រខ្លាំងទៀត ជាក់ស្ដែងទន្ទឹមរឿង “ស្បែកគង់” កំពុងមានអ្នកគាំទ្រនោះ ពេល Rock ដាក់រឿង “Why” ទៅទៀត ក៏ពួកគាត់នៅតែគាំទ្រច្រើនទៀត ដូច្នេះខ្ញុំអាចនិយាយបានថា ពលរដ្ឋយើងគាំទ្រភាពយន្តក្នុងស្រុកខ្លាំងមែនទែន។

យឹម សុសត្យា

យឹម សុសត្យា៖ មានច្រើន…ទី១ពាក់ព័ន្ធគុណភាព ពួកគាត់ទៅមើល គឺចង់តាមដានពីគុណភាព ទី២ការរីកចម្រើននៃជីវភាពក៏ជាមូលហេតុសំខាន់មួយដែរ និងទី៣ការកើនឡើងរោងភាពយន្តទំនើបៗ ក៏ជាមូលហេតុដូចគ្នា ខ្ញុំគិតថាអីចឹង ព្រោះអ្នកខ្លះ គាត់ក៏ចង់ទៅសាករោងភាពយន្តទំនើបដែរ នេះនិយាយពីរឿងដុំ។ តែបើនិយាយជារួម គឺគាត់ចង់លំហែ បន្ទាប់ពីនឿយហត់នឹងការងារពេញមួយថ្ងៃ អីចឹងហើយបានរឿងប្រភេទបែបកំប្លែងមានការគាំទ្រច្រើននាពេល បច្ចុប្បន្ន។

យឹម សុសត្យា៖ ខ្ញុំសូមថ្លែងអំណរគុណចំពោះការគាំទ្ររបស់ពួកគាត់កន្លងមក នឹងស្នើសុំបន្តការគាំទ្រនេះបន្តទៅទៀត។ ពួកគាត់កាន់តែគាំទ្រ ក្រុមអ្នកផលិតរឹតតែមានកម្លាំងចិត្តផលិតរឿងបានកាន់តែល្អ ដូច្នេះសូមបន្តគាំទ្រទាំងអស់គ្នាបន្តទៅទៀត៕

ប្រភព៖ Sabay

មុន បន្ទាប់

មតិយោបល់