និទ្ទេស A ទាំង១១នាក់ឡើងជ្រញ់ថ្ងៃនេះ ប៉ុន្មាននាក់នឹងជាប់រៀនហ្វ្រីនៅសាលាថ្លៃបំផុតស្រុកខ្មែរ៩ពាន់ដុល្លារមួយឆ្នាំ?

និទ្ទេស A ទាំង១១នាក់ឡើងជ្រញ់ថ្ងៃនេះ ប៉ុន្មាននាក់នឹងជាប់រៀនហ្វ្រីនៅសាលាថ្លៃបំផុតស្រុកខ្មែរ៩ពាន់ដុល្លារមួយឆ្នាំ?

ក្រុមសិស្សនិទ្ទេស A ទូទាំងប្រទេសទាំង១១នាក់ បានឡើងមកជួបជុំគ្នានៅភ្នំពេញថ្ងៃនេះជាថ្មី ធ្វើតេស្ដសមត្ថភាពយកអាហារូបករណ៍រយៈពេល៤ឆ្នាំនៅសាកលវិទ្យាល័យអន្តរជាតិដ៏ថ្លៃជាងសាលាណាៗទាំងអស់នៅស្រុកខ្មែរ គឺសាកលវិទ្យាល័យ អាមេរិកកាំងភ្នំពេញ ដែលបើគេចង់រៀនបង់ថ្លៃ គឺត្រូវបង់ដល់ទៅ៩ពាន់ដុល្លារក្នុងមួយឆ្នាំ។

“យើងមកជុំគ្នាអស់ហើយបង តែនៅមិនទាន់ដឹងថាធ្វើតេស្ដម៉ោងប៉ុន្មាននៅឡើយ”។ នេះជាការលើកឡើងមុននេះបន្តិចរបស់ ចាន់ ពិចិត្រ សិស្សនិទ្ទេស A មកពីកំពង់ឆ្នាំង។

កន្លងមកតំណាងសាកលវិទ្យាល័យទើបបើកដំណើរការនេះថា សិស្សដែលអាចរៀននៅសាលានោះបានទាល់តែមានកម្រិតភាសាអង់គ្លេសខ្ពស់ ព្រោះថាគ្រប់សាស្ត្រាចារ្យសុទ្ធតែជាជនជាតិអាមេរិកកម្រិត PhD។

អ្នកនិទ្ទេស A និង B ដប់នាក់នឹងមានវាសនារៀនហ្វ្រីនៅសាលាដ៏ថ្លៃបំផុត ស្រុកខ្មែរ ៩ពាន់ដុល្លារក្នុងមួយឆ្នាំ

សាកលវិទ្យាល័យនឹងផ្ដល់អាហារូបករណ៍១០នាក់ ដល់សិស្សជាប់និទ្ទេស A ឬ B ពីបាក់ឌុបឆ្នាំនេះ។ ប៉ុន្តែទន្ទឹមនឹងការទាមទារសមត្ថភាពភាសា សាលានឹងផ្ដល់អាទិភាពដល់សិស្សមានជីវភាពលំបាក។

សាកលវិទ្យាល័យ អាមេរិកកាំងភ្នំពេញ ដែលទើបបើកដំណើរការដំបូងឆ្នាំនេះជាសាលាដែលគេអះអាងថាផ្ដល់ការអប់រំកម្រិតស្តង់ដារសាកល ហើយមិនត្រឹមមានគោលដៅនាំមុខគេនៅកម្ពុជាទេ តែថែមទាំងជាសាកលវិទ្យាល័យលេចធ្លោក្នុងតំបន់៕

៤សាកលវិទ្យាល័យនៅភ្នំពេញល្បីៗថ្លៃសិក្សា ខ្ទង់ពាន់ដុល្លារ ក្នុងមួយឆ្នាំៗ

ប្រភព៖ Sabay

មុន បន្ទាប់

មតិយោបល់