គូស្នេហ៍តារាល្បីសិង្ហបុរី Qi Yuwu និង Joanne Peh ចូលរោងការម្សិលមិញ

គូស្នេហ៍តារាល្បីសិង្ហបុរី Qi Yuwu និង Joanne Peh ចូលរោងការម្សិលមិញ

តារាសម្ដែងសិង្ហបុរីវ័យ ៣៧ឆ្នាំ Qi Yuwu និងមិត្តស្រីជាតារាសម្ដែងវ័យ ៣១ឆ្នាំ Joanne Peh បានរៀបការជាមួយគ្នាហើយកាលពីថ្ងៃទី៩ ខែកញ្ញា បន្ទាប់ពីបានប្រកាសចំណងស្នេហ៍បានមួយឆ្នាំ។

joanne-peh-qi-yuwu-kiss

តាមរយៈរូបថតដែលបង្ហោះដោយអ្នកធ្វើម៉ូដសក់ David Gan បង្ហាញថា តារាសម្ដែងទាំងពីរដួង បានរៀបការជាមួយគ្នានៅមុខរូបចម្លាក់ Merlion លើកោះ Sentosa។ ភ្ជាប់នឹងរូបភាពបែរខ្នងរបស់កូនកំឡោះ កូនក្រមុំ Gan បានសរសេរលើ Instagram ថា “កូនស្រីខ្ញុំម្នាក់ទៀតរៀបការហើយ!”។ ហើយបើតាមសារព័ត៌មាន Strait Times ពិធីមង្គលការរបស់ពួកគេមានភ្ញៀវចូលរួមតែ ៣៩នាក់ប៉ុណ្ណោះ ដែលសុទ្ធតែជាមិត្តភ័ក្ដិនិងសាច់ញាតិរបស់ពួកគេ។ ចំណែកខាងតារាសម្ដែង និងថ្នាក់ដឹកនាំនៅផលិតកម្ម MediaCorp ដែលជាផលិតកម្មរបស់ពួកគេទាំងពីរនាក់ គេឃើញមានតែផលិតករភាពយន្ត Daniel Yun ប៉ុណ្ណោះដែលចូលរួម។

Peh និង Qi បានស្គាល់គ្នារយៈពេលជាង ១១ឆ្នាំមកហើយ និងធ្លាប់សម្ដែងរឿងរួមគ្នាជាច្រើនរឿង ក្នុងនោះរួមមានភាពយន្តដំបូងរបស់ Peh រឿង “Beatiful Connection” កាលពីឆ្នាំ២០០២ រឿង “ជីវិតនាងនូយ៉ា” និងរឿង “C.L.I.F” ទាំង ៣វគ្គ។ យ៉ាងណាពួកគេទើបចាប់ផ្ដើមចំណងស្នេហ៍កាលពីឆ្នាំមុនប៉ុណ្ណោះ ដោយមុននេះ ស្រីស្រស់ Joanne Peh ធ្លាប់មានទំនាក់ទំនងស្នេហាជាមួយ DJ ជនជាតិអាមេរិក Bobby Tonelli រយៈពេល ៤ឆ្នាំ ៕

អាន៖ មើលសកម្មភាព Jeanette, Elvin, Tay Ping Hui ៤ថ្ងៃនៅកម្ពុជា

5E729294502E5CE63429E39C96A5FC