feat1 បវរកញ្ញាស្រស់ស្អាតកូឡុំប៊ីត្រូវជម្រុះពីកម្មវិធីដោយសាររូបថតសិចស៊ីជ្រុល២សន្លឹកនេះ

feat1 បវរកញ្ញាស្រស់ស្អាតកូឡុំប៊ីត្រូវជម្រុះពីកម្មវិធីដោយសាររូបថតសិចស៊ីជ្រុល២សន្លឹកនេះ

បេក្ខនារីបវរកញ្ញាដ៏មានប្រជាប្រិយភាពរបស់កូឡុំប៊ី ត្រូវបានជម្រុះចេញពីការប្រកួតបន្ទាប់ពីរូបភាពនាងស្លៀកឈុតប៊ីគីនីប៉ុន្មានសន្លឹកត្រូវបានបង្ហោះនៅលើអ៊ីនធឺណិត។ នេះបើយោងតាមគេហទំព័រ Nydailynews។

paola-builes-aristiz-bal

កញ្ញា Paola Builes Aristizábal វ័យ ២១ឆ្នាំ ទើបតែទទួលបានតំណែងបវរកញ្ញាប្រចាំខេត្ត Antioquia កាលពីថ្ងៃអាទិត្យ មុននេះ ដែលអាចឲ្យនាងមានឱកាសចូលរួមក្នុងការប្រកួតបវរកញ្ញាថ្នាក់ជាតិនាខែវិច្ឆិកា ខាងមុខនេះ។ ប៉ុន្តែនៅព្រឹកបន្ទាប់ រូបថតនាងស្លៀកឈុតប៊ីគីនីចំនួន ២សន្លឹក ក៏ត្រូវបានគេបង្ហោះ និងចែកចាយជាច្រើនលើបណ្ដាញអ៊ីនធឺណិត។ អ្នករៀបចំកម្មវិធីបាននិយាយថា ពួកគេយល់ឃើញថារូបភាពទាំងនេះមិនសមរម្យ និងបានបំពានច្បាប់ក្នុងការប្រកួតដែលហាមមិនឲ្យបេក្ខនារីស្លៀកឈុតក្នុងតូចជ្រុលថតបែបនេះ។

ដូច្នេះពួកគេក៏បានដកតំណែងបវរកញ្ញាប្រចាំខេត្ត Antioquia របស់នាង ដែលមានន័យថានាងមិនអាចបន្តទៅវគ្គផ្ដាច់ព្រ័ត្របានទៀតឡើយ។ តំណែងរបស់នាងបានផ្ទេរទៅបវរកញ្ញា Natalia Ochoa Calle វិញ។

Builes បាននិយាយថា នាងមានអារម្មណ៍ថាខ្លួនត្រូវគេរើសអើង ព្រោះបេក្ខនារីដទៃក៏ធ្លាប់ថតស្លៀកឈុតប៊ីគីនីតូចៗបែបនេះដែរ និងបានអះអាងថារូបភាពរបស់នាង ត្រូវបានបង្ហោះលើអ៊ីនធឺណិតតាំងពីពីរឆ្នាំមុនម្ល៉េះ។

ចំណែកគ្រួសាររបស់នាងក៏បានសម្ដែងការខកចិត្តយ៉ាងខ្លាំងដែរ ចំពោះការសម្រេចចិត្តរបស់គណៈកម្មការ ព្រោះថា Builes បានបោះបង់ការងារបង្ហាញម៉ូដ ដែលអាចរកកម្រៃបានយ៉ាងច្រើន ដោយសារតែចង់ចូលរួមការប្រកួតនេះ ៕

paola-builes-aristiz-bal2