featured ខាត់ សុឃីម ខ្លាចការរិះគន់ក្នុងកម្មវិធី Cambodia’s Got Talent

featured ខាត់ សុឃីម ខ្លាចការរិះគន់ក្នុងកម្មវិធី Cambodia’s Got Talent

ទន្ទឹមនឹងមោទនភាព ខាត់ សុឃីម ក៏នៅមានចំណុចមួយចំនួន ដែលត្រូវព្រួយបារម្ភផងដែរ ក្រោយពីអ្នករៀបចំកម្មវិធី Cambodia’s Got Talent ជ្រើសរើសឲ្យធ្វើជាគណៈកម្មការរួមជាមួយតារាចម្រៀង ព្រាប សុវត្ថិ និង តារាកំប្លែង នាយ កុយ។

“ខ្ញុំធ្លាប់ឆ្លងកាត់ជាច្រើនកម្មវិធីកន្លងមកហើយក៏ពិតមែន ប៉ុន្តែមិនដែលបានចូលរួមក្នុងកម្មវិធីលំដាប់ពិភពលោកដូច្នេះទេ។ អញ្ចឹងហើយមានការព្រួយបារម្ភ ខ្លាចធ្វើខុសមានការរិះគន់ ពីទស្សនិកជន រឿងហ្នឹងគឺពិបាកចិត្ត”។ អ្នកសិល្បៈស្ទើរគ្រប់ទម្រង់រូបនេះបន្តថា បើរិះគន់ក្នុងន័យស្ថាបនានោះមិនថ្វីទេ ប៉ុន្តែខ្លាចបំផុតការរិះគន់ ជាលក្ខណៈបន្តុះបង្អាប់ ធ្វើឲ្យប៉ះពាល់ដល់ផ្លូវចិត្ត។

ទោះបីជាយ៉ាងណា ខាត់ សុឃីម បានយកបញ្ហានេះទៅប្រាប់អ្នកជំនាញរៀបចំកម្មវិធីនេះ តំណាងមកពីប្រទេសជាអ្នកលក់សិទ្ធនោះរួចហើយ ខណៈពូកគេចុះមកបង្រៀនភាគីកម្ពុជាពីដំណើរការកម្មវិធីលំដាប់ពិភពលោកខាងលើ ដែលយ៉ាងហោចណាស់មានប្រទេសចំនួន ៦ ហើយ នៃតំបន់អាស៊ី បានទទួលសិទ្ធផលិត និង បានទទួលជោគជ័យ។

“គាត់បានប្រាប់ខ្ញុំថា កុំភ័យព្រោះតួនាទីរបស់គណៈកម្មការគ្រាន់តែជាអ្នកចែករំលែកបទពិសោធន៍ពាក់ព័ន្ធទៅនឹងវិស័យសិល្បៈកន្លងមកដល់បេក្ខភាពប៉ុណ្ណោះ។ ព្រោះអ្នកដែលហ៊ានដាក់ពាក្យចូលរួមកម្មវិធីនេះ ជាមនុស្សអស្ចារ្យ មនុស្សធម្មតាធ្វើអត់បាន”។ ខាត់ សុឃីម បញ្ជាក់។

រហូតមកដល់ពេលនេះ គណៈកម្មការទាំង ៣ រួមមានតារាចម្រៀង ព្រាប សុវត្ថិ និង តារាកំប្លែងនាយ កុយ សុទ្ធតែកំពុងត្រៀមខ្លួនរួចហើយ និងប្រឹងប្រែងហ្វឹកហាត់បណ្ដើរៗ មិនចាញ់បេក្ខភាពត្រៀមប្រកួតប្រជែងនោះទេ។ ពូកគេត្រូវធ្វើយ៉ាងណា គោរពតាមគោលបំណងរបស់កម្មវិធីCambodia’s Got Talent និង ត្រៀមកាត់បន្ថយកំហុសឆ្គងផងដែរ។

លោក អ៊ិន ទីតូ អ្នកគ្រប់គ្រងកម្មវិធីសិល្បៈរបស់ផលិតកម្មរស្មីហង្សមាស បានប្រាប់ Sabay កន្លងមកថា កម្មវិធីខាងលើកំពុងដំណើរការប្រលងជម្រុះនៅតាមបណ្ដាខេត្តនៅឡើយ និងត្រៀមដំណើរការជាផ្លូវការ ដោយផ្សាយតាមរយៈកញ្ចក់ទូរទស្សន៍ក្នុងពេលដ៏ខ្លីខាងមុខនេះ។ ជាមួយគ្នានោះ សមាសភាពគណៈកម្មការទាំងអស់ បង្ហាញជំហររួមគ្នាថា នឹងធ្វើឲ្យពិភពលោកស្គាល់កម្ពុជាបន្ថែមទៀត តាមរយៈបណ្ដាញសង្គមនានាមិនខានឡើយ៕

ប្រភព៖ Sabay

មុន បន្ទាប់

មតិយោបល់