ការងារ៦ប្រភេទ និស្សិតក្រីក្រច្រើនជ្រើសរើស

ការងារ៦ប្រភេទ និស្សិតក្រីក្រច្រើនជ្រើសរើស

មានការងារចំនួន៦ប្រភេទ ដែលនិស្សិតក្រីក្រពីជនបទភាគច្រើនជ្រើសរើសយក ដើម្បីរកថវិកា បន្តការសិក្សានៅរាជធានីភ្នំពេញ។ តើការងារទាំង៦ ប្រភេទនោះមានអ្វីខ្លះ?

សន្តិសុខ៖ និស្សិតមិនតិចទេ នៅរាជធានីភ្នំពេញ ដែលជ្រើសរើសការងារជាសន្តិសុខ ដើម្បីបានថវិកា ដើម្បីបន្តការសិក្សា និងការចំណាយប្រចាំថ្ងៃ។ អ្នកទាំងនោះទទួលបានប្រាក់បៀវត្សចន្លោះពីជាង ៨០ ដុល្លារ ទៅ ១០០ដុល្លារ។

Hoeun4

ភ្នាក់ងារផ្សព្វផ្សាយ ៖ និស្សិតកំពុងសិក្សាឆ្នាំទី១ និងទី២ មួយចំនួនក៏បានធ្វើជាភ្នាក់ងារផ្សព្វផ្សាយផលិតផលរបស់ក្រុមហ៊ុុនជាច្រើន។ ក្រៅពីទទួលបានប្រាក់បៀវត្ស រង្វង់ ៧០ ដុល្លារទៅ ៨០ ដុល្លារ យ៉ាងច្រើន។ អ្នកទាំងនោះក៏រំពឹងទទួលបាននូវ បទពិសោធន៍ការងារដែរ។

Cambodia-Bac-I-1

រត់ម៉ូតូឌុប៖ អ្នករត់ម៉ូតូឌុបវ័យក្មេង ភាគច្រើនត្រូវបានកត់សំគាល់ថា ជាក្រុមនិស្សិត ដែលឆ្លៀតរកប្រាក់ចំណូលក្រៅម៉ោង ដើម្បីរកថវិកាបន្តការសិក្សា និងដោះស្រាយការចំណាយប្រចាំថ្ងៃ។

002

អ្នករត់តុ៖ អ្នករត់តុទាំងប្រុស និងស្រី នៅភោជនីយដ្ឋានធំៗ ក្នុងរាជធានីភ្នំពេញ គឺជានិស្សិត។ អ្នកទាំងនោះអាចទទួលបានប្រាក់បៀវត្សចន្លោះពី ៧០ដុល្លារ ទៅ ៨០ ដុល្លារ និងទទួលបានអាហារមួយពេល។

អ្នកលក់៖ ការងារជាអ្នកលក់នៅតាមក្រុមហ៊ុន ឯណេះវិញ ក៏បានស្រូបយកនិស្សិត ដែលទើបចូលរៀនមហាវិទ្យាល័យឆ្នាំទី១ ឬទី២មិនតិចដែរ ដោយហេតុថា ការងារប្រភេទនេះ មិនត្រូវការបទពិសោធន៍អ្វីទាំងអស់។ ការងារនេះ ចាំបាច់មានរូបសម្បត្តិសមរម្យ និងរួសរាយរាក់ទាក់ ហើយអាចទទួលបានប្រាក់ចំណូលរង្វង់ ៩០ ដុល្លារ ទៅ ១០០ ដុល្លារ។

គ្រូបង្រៀនភាសា៖ គ្រូបង្រៀនភាសាអង់គ្លេសនៅតាមផ្ទះ និងសាលាឯកជនមួយចំនួនគឺជានិស្សិតវ័យក្មេង។ ចំណែកនិស្សិតស្រីខ្លះក៏ទៅបម្រើការងារ នៅតាមសាលាមតេយ្យឯកជនផងដែរ។ ថ្វីត្បិតមិនច្រើន តែប្រាក់ចំណូលទាំងនោះពិតជាសំខាន់ ដើម្បីបន្តការសិក្សា៕

មិត្តយុវវ័យយល់យ៉ាងណាដែរ? តើការងារណាមួយ ក្នុងចំណោមការងារខាងលើ ដែលអ្នកធ្លាប់ធ្វើ?

ប្រភព៖ Sabay

មុន បន្ទាប់

មតិយោបល់