feat1 Brad Pitt និង Angelina Jolie លក់រូបថតរៀបការតែប៉ុន្មានសន្លឹកបានប្រាក់ ៥លានដុល្លារ តែយកមកបរិច្ចាគទាំងអស់

feat1 Brad Pitt និង Angelina Jolie លក់រូបថតរៀបការតែប៉ុន្មានសន្លឹកបានប្រាក់ ៥លានដុល្លារ តែយកមកបរិច្ចាគទាំងអស់

គូស្នេហ៍តារាល្បីអាមេរិក Brad Pitt និង Angelina Jolie បានទទួលប្រាក់សរុបចំនួន ៥លានដុល្លារ សម្រាប់រូបថតអាពាហ៍ពិពាហ៍របស់ពួកគេ ដែលបានចុះផ្សាយក្នុងទស្សនាវដ្ដី People និង Hello កន្លងទៅ។ នេះបើយោងតាមរបាយការណ៍របស់សារព័ត៌មាន Radar Online នាពេលថ្មីៗនេះ។

angelina-jolie-wedding-photos-main

ទោះយ៉ាងណា តារាសម្ដែងជាកូនកំឡោះថ្មោងថ្មីវ័យ ៥០ឆ្នាំ និងកូនក្រមុំវ័យ ៣៩ឆ្នាំ នឹងបរិច្ចាគប្រាក់នេះ សម្រាប់មូលនិធិសប្បុរសធម៌ ដោយតារាទាំងពីរដួងធ្លាប់ទទួលបានកេរ្តិ៍ឈ្មោះល្បីច្រើនមកហើយក្នុងការបរិច្ចាគប្រាក់ជួយអ្នកខ្វះខាតបែបនេះ។

តាមសម្ដីប្រភពផ្ទៃក្នុងមួយ ដែលនិយាយប្រាប់សារព័ត៌មាន Online នេះ ឲ្យដឹងថា ទស្សនាវដ្ដី People និង Hello បានចំណាយប្រាក់ម្នាក់ ២,៥លានដុល្លារ សម្រាប់សិទ្ធផ្សព្វផ្សាយរូបថតមួយចំនួនពីពិធីមង្គលការរបស់តារាទាំងពីរដួង។ ប្រភពមួយនេះបាននិយាយថា “ទស្សនាវដ្ដី Hello! មានសិទ្ធចែកចាយរូបថតរៀបការរបស់ Angelina Jolie ជាលក្ខណៈអន្តរជាតិ។ Brad និង Angelina ដឹងថារូបថតរបស់ពួកគេនឹងទទួលបានការចាប់អារម្មណ៍ខ្លាំង និងបានសម្រេចចិត្តបរិច្ចាគប្រាក់ដែលពួកគេទទួលបានពីរូបថតទាំងនេះ សម្រាប់មូលនិធិសប្បុរសធម៌ទាំងអស់ ដូចដែលពួកគេបានធ្វើពីមុនៗមកដែរ”។

កាលពីឆ្នាំ២០០៨ តារាទាំងពីរដួងបានទទួលប្រាក់ ១៤លានដុល្លារ សម្រាប់ការផ្ដល់សិទ្ធផ្សព្វផ្សាយរូបថតកូនភ្លោះ Knox និង Vivienne និងបានបរិច្ចាគប្រាក់ទាំងនេះសម្រាប់កម្មវិធីសប្បុរសធម៌ទាំងអស់។

តារាទាំងពីរដួងបានរៀបអាពាហ៍ពិពាហ៍ជាមួយគ្នាកាលពីថ្ងៃទី២៣ ខែសីហា នៅភូមិគ្រឹះពួកគេក្នុងប្រទេសបារាំង ក្រោយចាប់ផ្ដើមស្រឡាញ់គ្នាតាំងពីឆ្នាំ២០០៥។ កូនៗទាំង ៦នាក់របស់ពួកគេមាន កូនចិញ្ចឹមជនជាតិខ្មែរ Maddox, អាយុ១៣ឆ្នាំ, Pax, អាយុ១០ឆ្នាំ, Zahara, អាយុ៩ឆ្នាំ, Shiloh, អាយុ៨ឆ្នាំ, និងកូនភ្លោះ Vivienne និង Knox, អាយុ៦ឆ្នាំ ៕

10676139_783035701758922_3645934440958638193_n